ફિલ્મ રેસ્ટના સેટ પર ગોળી ચાલવાની એક ઘટનામાં સિનેમેટોગ્રાફરનું મોત થઇ ગયું છે. એક્ટર એલેક બાલ્ડવિને પોતાની આગામી ફિલ્મના શૂટિંગમાં ગોળી ચલાવી દીધી.
હોલીવૂડમાં ફિલ્મના સેટ પર ચાલી ગોળી
પ્રોપ ગનથી સિનેમેટોગ્રાફરનું થયું મોત
ન્યૂ મેક્સિકોમાં ઘટી આ ઘટના
ન્યૂ મેક્સિકોના સેન્ટા ફેમાં બોનાન્ઝા ક્રિક રેન્ચ ફિલ્મ સેટ પર ગુરુવારે આ ઘટના થઇ હતી. જેમાં 42 વર્ષીય સિનેમેટોગ્રાફર હલિના હચિન્સનું મોત થઇ ગયું છે. તો લેખક અને નિર્દેશક 48 વર્ષીય ઝોએલ સૂઝા પણ ઘાયલ થઇ ગઇ છે. પોલીસે કહ્યું કોઇ ગુનો દાખલ કરવામાં આવ્યો નથી અને ઘટનાની તપાસ કરવામાં આવી રહી છે.
તે વાત સ્પષ્ટ થઇ શકી નહી કે શું પ્રોપ ગન અસલી ગોળીઓથી ભરેલી હતી કે નહી. હાલ તો ફિલ્મની કાસ્ટ એન્ડ ક્રૂએ મૌન જ પાળ્યું છે. તે વચ્ચે સિનેમેટોગ્રાફરને શ્રદ્ધાંજલિ આપવાની પ્રક્રિયા શરૂ થઇ ગઇ છે. લોકોએ તેના માટે ભાવૂક વાતો લખી છે.
કોઇએ લખ્યું કે, હું તને યાદ કરીશ મારા મિત્ર તો અન્ય એક મિત્ર જેક કેસવેલે કહ્યું, મને એવું લાગી રહ્યું છે મારી અંદરથી હવા નીકળી ગઇ છે. તમે ખુબ યાદ આવશો. તો અન્ય એક શખ્સે લખ્યું દિલ તૂટી ગયું.
કેલિફોર્નિયામાં રહેનારી 42 વર્ષીય હચિન્સને હોલીવૂડની સેલેબ માનવામાં આવતી હતી. જેનું નામ અમેરીકિ સિનેમેટોગ્રાફર દ્વારા 2019માં એક લિસ્ટમાં સામેલ કરવામાં આવ્યું હતું.