ગાંધીનગર / દોઢ વર્ષના બાળકને સ્વામીનારાયણ મંદિર ચોકમાં રઝળતા મૂકી જનાર આ માસૂમના અપરાધી કોણ ?

• મંદિરમાં બાળકને મૂકી જનાર કોણ?
• પેથાપુર મંદિરમાં બાળકને કોણ મૂકી ગયુ?
• VTV પર બાળકને માતા સુધી પહોંચાડવાની મુહિમ

ગાંધીનગરના પેથાપુર સ્વામિનારાયણ મંદિરમાંથી એક બાળક મળી આવ્યું છે, મોડી રાત્રે બાળકને કોઈ અજાણી વ્યક્તિ મંદિરમાં મૂકી જતા અનેક તર્ક વિર્કતો થઈ રહ્યા છે. કોણ કુમળી વયના બાળકે આમ રસ્તે રઝળતા છોડીને ચાલ્યું ગયું, બાળકને મંદિરમાં ત્યજી દેવાનું આખરે કારણ શું એટલે લઈ અનેક સવાલો ઉભા થઈ રહ્યા છે. 

પેથાપુરના સ્વામિનારાયણ મંદિરમાંથી મળી આવ્યું બાળક

સમગ્ર મામલે પોલીસને જાણ કરતા પોલીસ પણ સ્વામિનારાયણ મંદિર ખાતે આવી પહોંચી હતી અને બાળકને મુકી જનારની શખ્સની પોલીસે તપાસ હાથ ધરી છે. મહત્વનું છે કે બાળકને મંદિરમાં મૂકી જનાર વ્યક્તિના સીસીટીવી પણ સામે આવ્યા છે, જેના આધારે પોલીસ વધુ સઘન પૂછપરછ હાથ ધરી છે.

બાળક મળી આવતા બાળકની પ્રાથમિક તપાસ હાથ ધરવામાં આવી જો કે બાળક સંપૂર્ણ પણે સ્વાસ્થ્ય જણાઈ રહ્યું છે. હાલ તો પેથાપરવાસીઓ અને પોલીસકર્મીઓ બાળકીન સાર સંભાળ લઈ રહ્યા છે. 

પેથાપુર મંદિરમાં બાળકને કોણ મૂકી ગયુ?

ઉલ્લેખનિય છે કે રાત્રે મંદિરમાં ચોકમાં દોઢ વર્ષના બાળકને મૂકીને ફરાર થઈ જનાર શખ્સની પોલીસ શોધખોળ હાથ ધરી છે, પરતું હજુ સુધી બાળકના માતા પિતા કે તેના સગાસંબધિની કોઈ સામે આવ્યું નથી. આ બાળકને આમ સસ્તે રઝળતા મૂકી જનાર શખ્સ કોણ છે ? શું ઘરકંકાસમાં બાળકને ત્યજી દેવામાં આવ્યું છે કે પછી બાળકના અપહરણ બાદ આ બાળકને ડરના કારણે મંદિરમાં ત્યજી દેવામાં આવ્યું તેને લઈને પણ અનેક સવાલો ઉભા થઈ રહ્યા છે. તે દિશામાં પણ પોલીસે તપાસ કાર્યવાહી હાથ ધરી છે. હાલ તો આ બાળકને તેના માતા પિતા સુધી પહોંચાડવા માટે VTV ન્યૂઝ દ્વારા એક મૂહિમ ચલાવવામાં આવી રહી છે. 

ગૃહ રાજ્યમંત્રી આજના તમામ કાર્યક્રમ કરશે સ્થિગત 

પેથાપુર સ્વામીનારાયણ મંદિરની ગૌશાળામાંથી બાળક મળવાને લઈને ગૃહ રાજ્યમંત્રી હર્ષ સંઘવી પણ એક્શનમાં આવ્યા છે. તેઓ આજના તમામ કાર્યક્રમો સ્થિગિત કરી દીધા છે અને તેઓ આજે સિવિલની મુલાકાત પણ લેવાના છે  હર્ષ સંઘવીએ જણાવ્યું છે કે બાળકને તરછોડનારને શોધવા તે પ્રાથમિકતા છે, હર્ષ સંઘવી જાતે સમગ્ર ઘટનાનું મોનિટરિંગ કરી રહ્યા હોવાનું તેમણે જણાવ્યું છે. જો કે હજુ સુધી બાળકની પરિવારજનોનો કોઈ સંપર્ક થઈ શક્યો નથી. મહત્વનું છે કે વહેલી સવારથી જ પોલીસ તમામ દિશામાં તપાસ કરી રહ્યા છે.