શહેરોમાં અને ગામડાઓમાં મોટા ભાગના બાળકો ગેમમાં મસ્ત રહેતા જોવા મળે છે. ગેમ હાલના સમયમાં એક સામાન્ય બાબત બની ચુકી છે, સૌ કોઈ ગેમ રમવાના એટલા આદી બની ગયા છે કે આસપાસ શુ ચાલે છે તેની પણ પરવા કરતા નથી ગેમમાં મસ્ત બનેલા બાળકો સારુ કે ખોટું તેની પરવા કર્યા વિના જ દિવસ રાત મોબાઈલ ગેમમાં પરોવાયેલા રહેતા હોય છે કેટલીક વાર ગેમમાં વ્યસ્ત રહેતા બાળકો ન કરવાનું કરી એવું પગલે ભરી બેસે છે કે પાછળથી માતા પિતાએ જિંદગીભર પસ્તાવવાનો વારો આવે છે.
મોબાઈલ ગેમના કારણે બાળકે જીવ ગુમાવ્યો
ગીર સોમનાથના ઉનામાં એવો જ એક કિસ્સાો સામે આવ્યો છે. માતા પિતાઓની ઊંઘ ઉડાવી દેતા કિસ્સામાં ધોરણ 11 સાયન્સમાં અભ્યાસ કરતા એક બાળકે ગળે ફાંસો ખાઈને આત્મહત્યા કરી લીધી છે. જાણકારી મુજબ બાળક ફ્રી ફાયર ગેમમાં એટલો વ્યસ્ત હતો કે ગેમના ટાસ્ક મુજબ બાળકે સ્ત્રી પહેરવેશ પણ પહેર્યો હોવાનું મનાઈ રહ્યું છે પરતું ઓનલાઈન ગેમમાં ટાસ્ક પૂરો ન કરી શકતા બાળકે આખરે ગળેફાંસો ખાઈ જીવન ટુંકાવ્યું હતું. સમગ્ર ઘટના લઈને આસપાસના રહિશોમાં ચકચાર મચી ગઈ છે.
સમગ્ર મામલે પોલીસને જાણ કરવામાં આવતા પોલીસ ઘટના સ્થળે પહોંચી હતી અને આગળની કાર્યવાહી હાથ ધરી હતી. મળતા અહેવાલ પ્રમાણે બાળકે ગેમના લેવલ પ્રમાણે સ્ત્રી પહેરવેશ પહેર્યો હોવાનું મનાઈ રહ્યું છે. ઘરના રૂમમાં ઓનલાઈન ગેમમાં ટાસ્ક મુજબ વિદ્યાર્થીઓ સ્ત્રી પહેરવેશ પહેર્યો હોવાનું મનાઈ રહ્યું છે. જો કે સમગ્ર મામલે પોલીસે વધુ તપાસ હાથ ધરી છે. જો વાત કરવામાં આવે તો આ અગાઉ પણ અનેક એવા કિસ્સા સામે આવ્યા છે જેમાં મોબાઈલ ગેમના કારણે બાળકોએ જીવ ગુમાવ્યા છે ત્યારે મોબાઈલ ગેમ વાલીઓ માટે લાલાબંત્તી સમાજ બની ગઈ છે.