સફળ સર્જરી / માતા-પિતાને ચેતવતો કિસ્સો: અમદાવાદમાં બાળક 14 મેગ્નેટ બોલ ગળી જતા આંતરડા ચોંટી ગયા, સિવિલના ડોકટરોએ આપ્યું નવજીવન

• માતા-પિતા માટે લાલબત્તી સમાન કિસ્સો
• બાળકના પેટમાંથી 14 મેગ્નેટ બોલ નીકળ્યા
• ઓપરેશન કરતા 14 મેગ્નેટ બોલ નીકળ્યા

માતાપિતા  માટે લાલબત્તી સમાન કિસ્સો સામે આવ્યો છે.બોપલ મા રહેતો 7 વર્ષ નો બાળક રમત રમત માં એક બે નહીં પરંતુ 14 મેગ્નેટ બોલ ગળી ગયો અને પેટ માં આ મેગ્નેટ ચોંટવા લાગ્યા.સિવિલ હોસ્પિટલ ના તબીબો દ્વારા જટિલ સર્જરી કરી બાળક ને સ્વસ્થ કરવા માં આવ્યો છે.

ઓપરેશન કરતા બાળકના પેટમાંથી 14 મેગ્નેટ બોલ નીકળ્યા
નાના બાળકો રમત માં પેટ માં કોઈ ચીજવસ્તુ ગળી જાય તેવા અનેક કિસ્સા સામે આવ્યા છે પરંતુ અમદાવાદ ના બોપલ નો એક એવો કિસ્સો સામે આવ્યો કે જેમાં  7 વર્ષ નું બાળક 14 મેગ્નેટ બોલ ગળી ગયું.બાળક ને લીલા કલર ની ઉલ્ટીઓ થતા બાળક ના માતા પિતા પણ અચ્મબો પામ્યા હતા.બાળક ને સિવિલ હોસ્પિટલ માં સારવાર માટે ખસેડ્યો હતો.સિવિલ હોસ્પિટલના સુપ્રિટેનડેન્ટ અને તેમની  પીડયાટ્રીક ટિમ દ્વારા ૭ વર્ષ ના બાળક નું સફળ ઓપરેશન કરી તેના આંતરડા માથી ૧૪ મેગ્નેટ મોતી કાઢી નવું જીવન આપ્યું હતું. 

મેગ્નેટના કારણે એકબીજા સાથે બોલ ચોંટી ગયા હતા
સિવિલ હોસ્પિટલ માં અત્યાર સુધીમાં આ પ્રથમ કિસ્સામા નાના બાળકે મેગ્નેટ બોલ ગળી ગયા હોવાનું સામે આવ્યું છે . સામાન્ય રીતે બાળકો સિક્કા , લખોટી જેવી વસ્તુ ગળી જતાં હોય છે સિવિલ સુપરિટેન્ડેન્ટના જણાવ્યા અનુસાર હાલ બાળકનું સફળ ઓપરેશન થતા તેને ડિસ્ચાર્જ આપવામાં આવ્યું છે પરંતુ સૌ માતા પિતા માટે આ ચેતવણી રૂપ કિસ્સો છે આ કિસ્સો ડોક્ટરો માટે પણ પડકાર સ્વરૂપ હતો જેમાં બાળકના આંતરડા માથી ૧૪ અલગ અલગ જગ્યાએથી આ મેગ્નેટ કાઢવાના હતા ત્રણ કલાક ની ભારે જહેમત બાદ આ સફળ સર્જરી ડોક્ટરે કરી હતી.

માતા પિતા માટે ચેતવા રૂપ આ કિસ્સો છે અને નાના બાળકોને આવી બધી વસ્તુ હાથમાં ન આવે તે પ્રકારની કાળજી કરવી જરૂરી છે.