OMG / ના હોય! પગાર 2500 રૂપિયા અને ચાલાણ 16500, યુવકે ગોલૂ મંદિરમાં લગાવી મદદ માટે પોકાર 

• સોશ્યલ મિડીયા પર છવાયો કિસ્સો 
• 2500 પગાર અને 16500 દંડ 
• અલ્મોડામાં સામે આવ્યો કિસ્સો 

સોશ્યલ મિડીયા પર અલગ અલગ પ્રકારના મિમ્સ વાયરલ થઇ રહ્યાં હોય છે જેમાં કહેવામાં આવે છે કે લૉકડાઉન દરેક માટે સરખુ નથી હોતું. કોઇ 5 6 જાતના પકવાન ખાઇને સેલ્ફી લઇને લૉકડાઉન પસાર કરે છે તો કોઇકને 2 ટંક જમવાના પણ ફાંફા હોય છે. આવી જ એક ઘટના ભારતમાં સામે આવી છે.  2500 રૂપિયા મહિનાનો જે વ્યક્તિનો પગાર હતો તેનું 16500 રૂપિયાનું ચલાણ કાપવામાં આવ્યું છે. 

અલ્મોડામાં કોરોના કરફ્યૂ વચ્ચે પોલીસે એક હોટલના કર્મચારીને નિયમનો ઉલ્લંઘન કરવા પર 16500 રૂપિયાનું ચલાણ કાપ્યુ હતુ. આટલી મોટી રકમનું ચલાણ હોવાથી તેણે સોશ્યલ મિડીયા પર આ વાતની જાણકારી આપી હતી. બાદમાં તેણે કહ્યું કે આ મારી 6 મહીનાની કમાણી બરાબર છે. 

સિરાડ ગામનો નિવાસી દીપક એક હોટલમાં નોકરી કરે છે અને તેનું મહીનાનું વેતન 2500 રૂપિયા છે. તે જ્યારે ડ્યુટી પતાવીને ઘરે જઇ રહ્યો હતો ત્યારે તેને પોલીસે ચેકિંગ માટે રોક્યો હતો અને હેલ્મેટ નથી, આટલી રાત્રે નીકળીને નિયમનો ભંગ કર્યો છે એવું કહીને 16500 રૂપિયાનો દંડ ફટકાર્યો હતો. ચલાણ કાપ્યા બાદ તેનું બાઇક પણ જપ્ત કરી લેવામાં આવ્યું હતુ. 

યુવકે સોશ્યલ મિડીયા પર આ સમસ્યાને શૅર કરીને પોલીસના ફેસબૂક પેજને ટેગ કર્યુ હતુ. આ મામલો ખુબ ઝડપથી સમગ્ર વિસ્તારમાં ફેલાઇ ગયા હતો. 

બાદમાં SP કાર્યાલય પહોંચીને યુવકે પોતાના દસ્તાવેજ બતાવ્યા અને નિયમોઅનુસાર યુવકની ચલાણની ધનરાશિ ઓછી કરી દીધી હતી. આ નિયમોનું ઉલ્લંઘન કરનારા લોકો વિરુદ્ધ પોલીસ કડક કાર્યવાહી કરી રહી છે. 

પોલીસ દ્વારા મળી રહેલી જાણકારી અનુસાર નિયમ તોડનારા લોકો પર સખ્ત કાર્યવાહી કરવામાં આવી રહી છે અને નિયમો અનુસાર ચલાણ પણ કપાઇ રહ્યાં છે. 

ગાઇડલાઇન્સ અનુસાર જ યુવકનું ચલાણ કાપવામાં આવ્યું છે અને હેલ્મેટ નહી પહેરવા, દસ્તાવેજ ન હોવા અને નિયમોનું ઉલ્લંઘન પર કાર્યવાહી કરવામાં આવી છએ. બાદમાં તેનું ચાલાણ ઓછુ કરી દેવામાં આવ્યું છે. હવે યુવકને રાહત થઇ છે.