ભચાઉ-સામખીયારી હાઇવે પર ટ્રક અને કાર વચ્ચે ગમખ્વાર અકસ્માત એક વ્યક્તિનું મોત

કચ્છ: સામખીયારી હાઈવે પર અવારનવાર અકસ્માતો સર્જાતા રહે છે જેમાં આજે વધુ એક અકસ્માતમાં કારની પાછળ ટ્રક ઘુસી જતાં ગંભીર અકસ્માત સર્જાયો હતો. આ ઘટના અંગે મળતી વિગતો મુજબ કચ્છના ભચાઉ-સામખીયારી હાઇવે પરથી પસાર થઇ રહેલી ટોયોટા કંપનીની એક કાર સાથે પુરપાટ ઝડપે આવતો એક ટ્રક ધડાકાભેર અથડાયો હતો. 

કાર અને ટ્રકના અકસ્માતને પગલે કારમાં સવાર તમામ લોકોની ચીચીયારીઓથી વાતાવરણમાં ગંભીરતા છવાઇ ગઇ હતી. જો કે આ અકસ્માત એટલો ભયંકર હોવાથી કારમાં સવાર તમામ લોકો પૈકી એક વ્યક્તિનું ઘટના સ્થળે જ કમકમાટી ભેરેલું મોત નિપજ્યું હતું.
 

#Kutch #Breaking
ભચાઉ-સામખીયારી હાઇવે પર ટ્રક અને કાર વચ્ચે અકસ્માત એકનુ મોત અન્ય ત્રણ લોકો ઇજાગ્રસ્ત ઇજાગ્રસ્તને સારવાર અર્થે હોસ્પિટલ ખસેડાયા.#Bhachau #Accident #Car pic.twitter.com/jhfN5X1Mqp

— VTV Gujarati News (@VtvGujarati) February 16 2019

આ સાથે જ અન્ય 3 લોકો ગંભીર રીતે ઇજાગ્રસ્ત થતાં તેમને સારવાર અર્થે નજીકના દવાખાને ખસેડવામાં આવ્યા હતા. વાહનોની સતત અવર-જવરથી ભરચક રહેતા હાઇવે પર અકસ્માત થતાં ટ્રાફિક જામના દ્રશ્યો સર્જાયા હતા. આ સાથે જ આ બનાવને પગલે આસપાસના લોકો તાત્કાલિક અસરથી ઘટના સ્થળે દોડી આવ્યા હતા અને રાહત કામગીરી હાથ ધરી હતી.