કાળુ નાણું / 400 કરોડના બેનામી દસ્તાવેજ, 20 બેંક લોકર, જ્વેલરી...., અંતે સુરતની IT રેડ આજે પૂર્ણ

સુરતમાં એશ્વર્યા ગ્રૂપ સહિતનાં સ્થળો પર થોડા સમયે પહેલા આઈટી દ્વારા સાગમટે 12 જગ્યાએ રેડ પાડી કરચોરીની તપાસ હાથ ધરી હતી. સુરતમાં ટેક્સટાઈલ ગ્રુપ સાથે સંકળાયેલા ગ્રૂપનાં તમામ ભાગીદારો પર સાગમટે દરોડા પડતા અન્ય વેપારીઓમાં ફફડાટ વ્યાપી જવા પામ્યો હતો. આવકવેરા વિભાગ દ્વારા પાંચ દિવસ સુધી તમામ સ્થળો પર તપાસ પૂર્ણ કરવામાં આવી હતી. હિસાબોની તપાસમાં મોટા પાયે બેનામી વ્યવહારો મળવાની શક્યતા સેવાઈ રહી છે.

ઈલેક્ટ્રોનિક્સ ગેજેટ્સની તપાસ માટે ફોરેન્સિક એક્સપર્ટને બોલાવવામાં આવશે

સુરતમાં ઈન્કમટેક્ષ વિભાગ દ્વારા કોલસા, ટેક્સટાઈલ ગ્રુપ પર સાગમટે દરોડા પાડવામાં આવ્યા હતા. ઈન્ટમટેક્ષ વિભાગ દ્વારા વેપારીઓને ત્યાં પાડવામાં આવેલ દરોડામાં પાંચ દિવસ બાદ તપાસ પૂર્ણ થઈ છે. ઈન્કમટેક્ષ વિભાગ દ્વારા 400 કરોડનાં દસ્તાવેજો જપ્ત કરવામાં આવ્યા છે. જપ્ત કરાયેલા ઈલેક્ટ્રોનિક્સ ગેજેટ્સની તપાસ માટે ફોરેન્સિક એક્સપર્ટને બોલાવવામાં આવશે. જેમાં 20 બેંક લોકર, 4 કરોડથી વધુની રોકડ અને જ્વેલરી જપ્ત કરાઈ હતી.

વધુ વાંચોઃ ગુજરાતમાં પાક નુકસાનીની પ્રાથમિક વિગતો મેળવવા નિર્દેશ આપી દેવાયા, ક્યાંક ડાંગરનો પાક પલળ્યો, તો ક્યાંક કેરી ખરી પડી

ક્યાં ક્યાં ફર્મ પર તપાસ હાથ ધરાઈ

ઈન્કમટેક્ષ વિભાગ દ્વારા એસ.એન.ટ્રેડ લિંક, આદર્શ કોલ, તરણજ્યોત કોલ, વરેલીની એશ્વર્યા ડાયમંડ પર સર્ચની કાર્યવાહી હાથ ધરાઈ હતી. જેમાં જમીન ખરીદી વેચાણ, જમીનમાં રોકાણ, શેર માર્કેટમાં રોકાણ સહિતનાં દસ્તાવેજો મળી આવ્યા છે. ખર્ચો વધારવા માટે બિલ પણ ખરીદવામાં આવ્યા હોય તેવી આશંકા છે. તમામ હિસાબો કોડમાં રાખવામાં આવ્યા હતા. હિસાબોની તપાસમાં મોટા પાયે બેનામી વ્યવહારો મળવાની શક્યતા છે.