ભરૂચ / પાનોલીના લોકોની આંખમાં અચાનક બળતરા ઉપડતા ભયનું મોજું, GIDCમાં બનેલી ઘટનાથી તંત્રમાં દોડધામ

• ભરૂચના પાનોલી GIDCમાં કેમિકલ કંપનીમાં આગનો મામલો
• ગામ લોકોને આંખમાં બળતરા અને ગભરામણની ફરિયાદ
• જરૂર પડે તો ગામલોકોનું સ્થળાંતર કરવા તંત્રની તૈયારી

ભરૂચના પાનોલી GIDCમાં કેમિકલ કંપનીમાં આગ લાગવાની ઘટના સામે આવી હતી જે બાબતે GIDCથી નજીકના સંજાલી ગામના લોકોને આંખમાં બળતરા અને ગભરામણની ફરિયાદ ઉઠી છે. આગ લાગતા સંજાલી ગામમાં અફરાતફરીનો માહોલ સર્જાયો છે.

GIDCમાં કેમિકલ કંપનીમાં આગ લાગવાનો મામલો
ભરૂચમાં ફરી આગની ઘટના સામે આવી છે. પાનોલી GIDCમાં કેમિકલ કંપનીમાં આગ લાગ્યાની ઘટના સામે આવી છે. આગ બાદ ધુમાડાના કારણે અનેક લોકોને મુશ્કેલી સર્જાઈ છે. ગંભીર કેમિકલના ધુમાડા કારણે સંજાલી ગામના લોકોને આંખમાં બળતરા અને ગભરામણની ફરિયાદ ઉઠી છે.

ગામલોકોનું સ્થળાંતર કરવા તંત્રની તૈયારી
પાનોલી GIDCમાં કેમિકલ કંપનીમાં આગ લાગવાની ઘટના બાદ તે આગના ધુમાડાના લોકોની આંખમાં બળતરા અને ગભરામણની ફરિયાદો ઉઠી છે. પાપ્ત માહિતી અનુસાર જરૂર પડે તો ગામલોકોનું સ્થળાંતર કરવા તંત્રની તૈયારી છે.