સુરત / કાપોદ્રામાં યુવકને માર મારવા મુદ્દે હાઈકોર્ટે ACP સામે તપાસનો કર્યો આદેશ

• પોલીસ દ્વારા યુવકને માર મારવાનો મામલો
• પોલીસ કર્મી સામે ગુનો દાખલ કરવા આદેશ
• 17 જુલાઇ 2021ના રોજ બની હતી ઘટના

સુરતના કાપોદ્રામાં પોલીસ દ્વારા યુવકને માર મારવાનો મામલો સામે આવ્યા હતો. 17 જુલાઇ 2021ના રોજ બનેલી ઘટનામાં યુવકને પોલીસના મારથી બચાવવા અન્ય યુવક વચ્ચે પડ્યો હતો જેમાં વચ્ચે પડતા યુવકને જ પોલીસે માર માર્યો હતો, જે બાદ સમગ્ર મામલે સુરત કોર્ટમાં ફરિયાદ કરવામાં આવતા સુરત કોર્ટે ACPને ગુનો નોંધવાનો આદેશ કર્યો હતો. જો કે ACPએ કોર્ટની અવગણના કરતા હાઇકોર્ટમાં  અરજી કરવામાં આવી હતી, જે બાદ હાઇકોર્ટે ACP સામે પણ કંટેમ્પટ ઓફ કોર્ટ હેઠળ તપાસ માટેનો આદેશ કર્યો છે.

પોલીસ કર્મી સામે ગુનો દાખલ કરવા આદેશ

મહત્વનું છે કે અનેકવાદ પોલીસ પર સામાન્ય પ્રજા પર દાદાગીરી કરવામાં આવતી હોય છે અને પોલીસ દ્વારા સામાન્ય નાગરિકો પર પોતાનો રોફ જમાવવામાં આવતો હોય છે, ત્યારે સુરતમાં આવો જ એક કિસ્સો સામે આવ્યો હતો. જેમાં એક યુવકને માર મારતા અન્ય યુવક વચ્ચે પડ્યો હતો જે બાદ અન્ય યુવકને પણ માર મારવામાં આવતા ACP સામે કોર્ટમાં ફરિયાદ નોંધાવામાં આવી હતી.