સામાન્ય રીતે તમે અત્યાર સુધી લાલ અને ગુલાબી કલરના ગાજર જોયા હશે પરંતુ વારાણસીમાં વૈજ્ઞાનિકોએ સાત રંગના ગાજરનું ઉત્પાદન કર્યુ છે.
ગુલાબી અને લાલ રંગ સિવાયના ગાજર
રેડ વાઇન જેવો સ્વાદ આવે છે ગાજરનો
વારાણસીમાં થાય છે આ ગાજરની ખેતી
લાલ અને ગુલાબી રંગ સિવાય અહી કાળા, જાંબલી, નારંગી, પીળા અને સફેદ રંગના ગાજર ઉગાડવામાં આવ્યા છે અને માત્ર એટલુ જ નહી તેના જ્યુસમાંથી રેડ વાઇન જેવો ટેસ્ટ આવે છે.
આ સફળ પ્રયોગ કરનાર વૈજ્ઞાનિક ડૉ. વિનોદ કુમાર સિંહ જણાવે છે કે રંગથી જ નહી પરંતુ દરેકના પોતાના ઔષધિય ગુણ પણ છે. જેમકે કાળા રંગના ગાજરમાં એન્થોસાઇનીન તત્વ જોવા મળે છે. જે રોગપ્રતિકારક શક્તિ વધારે છે. તેનાથી હલવો પણ બની શકે છે અને જો તમે આ ગાજરને નવસેકા પાણીમાં થોડી વાર રાખીને તેનો જ્યુસ બનાવો છો તો સો ગ્રામ ગાજરમાંથી પાંચ ગ્લાસ જ્યુસ નીકળે છે.
તેમણે કહ્યું કે આ જ્યુસમાં તમે લીંબુનો રસ નાંખશો તો તેનો રંગ અને સ્વાદ બિલકુલ રેડ વાઇન જેવો જ થઇ જશે. આ જ રીતે પીળા ગાજરમાં યુટીન અને જેન્ટોથીન તત્વ છે જે ત્વચા માટે ખુબ જ લાભકારી છે.
ગાજરની આ પ્રજાતિને ઉગાડીને ભારતીય અનુસંધાન સંસ્થાને મોટી સફળતા હાંસલ કરી છે. સંસ્થાનના ડાયરેક્ટર ડૉ.જગદીશ સિંહ જણાવે છે કે જલ્દી જ આ બીજ ખેડૂતોને આપીને સામાન્ય માણસ સુધી પહોંચાડી શકાશે. માત્ર આટલુ જ નહી પરંતુ કુંડાની સાઇઝ મોટી હશે તો શહેરોમાં રહેનારા વ્યક્તિઓ ટેરેસ ગાર્ડનમાં ઉગાડીને ગાજરનો સ્વાદ લઇ શકશે. તેમણે વધુમાં જણાવ્યું કે ગાજરોમાં અલગ ફાઇટોકેમિકલ હોય છે.