ચીન: પત્ની સાથેના ઝઘડા બાદ સ્કૂલ બાળકો પર ચડાવી કાર 5નાં મોત 19 ઘાયલ

ચીનમાં એક વ્યક્તિએ પત્ની સાથેના ઝઘડા બાદ સ્કૂલના બાળકો પર કાર ચડાવી દીધી. આ દૂર્ઘટનામાં પાંચ બાળકોનાં મોત નિપજ્યાં જ્યારે અને 16 બાળકો સહિત 19 લોકો ઘાયલ થયા. આ બનાવ ગુરૂવારના રોજ બન્યો હતો.

ઇજાગ્રસ્તોમાં બે શિક્ષક તેમજ એક રાહદારીનો સમાવેશ થાય છે. જેમાં ત્રણ ઇજાગ્રસ્તોની હાલત નાજૂક બતાવવામાં આવી રહી છે. એક મળતાં અહેવાલ મૂજબ કાર ચાલક લિયોનિંગ પ્રાંતનો રહેવાસી બતાવવામાં આવી રહ્યો છે.

પોતાની પત્ની સાથેના ઝઘડાના કારણે તે આત્મહત્યા કરવાનું વિચારી રહ્યો હતો પરંતુ અચાનક તેણે પોતાની કાર સ્કૂલના વિદ્યાર્થીઓ પર ચડાવી દીધી. એક સમાચાર એજન્સીના જણાવ્યા અનુસાર હુલુદાઓ શહેરમાં કારથી જઇ રહેલા આરોપીએ બાળકોને અચાનક પોતાના નિશાન બનાવ્યાં હતા.

કાર ચાલકે અચાનકથી પોતાની કારની દિશા બદલી અને રોડ પસાર કરી રહેલા સ્કૂલના બાળકો પર ચડાવી દીધી.

આ દૂર્ઘટના એક પ્રાથમિક સ્કૂલ પાસે ઘટી હતી. જિયાનચાં કાઉન્ટી પોલીસે આ હુમલાવરની ધરપકડ કરી લીધી છે. આ અગાઉ પણ એપ્રિલમાં એક શખ્સ દ્વારા ચાકૂથી માધ્યમિક વિદ્યાલયના 9 વિદ્યાર્થીઓની હત્યા કરી દેવામાં આવી હતી અને ઓછામાં ઓછા અન્ય 10ને ઇજાગ્રસ્ત કર્યા હતા.

જો કે ત્યારબાદ હુમલાખોરને મોતની સજા ફટકારવામાં આવી હતી. તેણે પોલીસને જણાવ્યું હતું કે તે બદલો લેવા માગતો હતો.