કેન્સર...આ શબ્દ સાંભળતા જ માણસ ટેન્શનમાં આવી જાય છે...અને તે હિંમત હારી જાય છે. ભારત સહિત સમગ્ર વિશ્વમાં આજે કેન્સરના અનેક દર્દીઓ છે. કેન્સરની હોસ્પિટલો દર્દીઓથી ઉભરાઈ રહી છે. કેન્સર એવી મહાબીમારી છે કે જેની સામે દર્દીએ હારી જાય છે અને જીવ ગુમાવે છે. કેન્સરની દવાઓ શોધાય છે. તેની રસીઓ પણ છે. પરંતુ હજુ સુધી અંતિમ સ્ટેજમાંથી સફળતા મળે તેવી દવા નથી શોધાઈ. જેના કારણે કેન્સર થયા બાદ વ્યક્તિ આ દુનિયામાંથી વિદાય લે છે.
એવું ગામ જ્યાં કેન્સર છે અભિષાપ
કેન્સર ડે પર કેન્સરગ્રસ્ત ગામની કહાની
કેન્સર કેવી બિમારી છે ? અને તેના કારણે કેવી રીતે આખે આખો પરિવાર પાયમાલ થાય છે. તેની કહાની આજે અમે આપને બતાવવા જઈ રહ્યા છે. એક એવા ગામની દર્દભરી દાસ્તાન દેખાડવા જઈ રહ્યા છે. જ્યાં એક બે નહીં પણ અનેક લોકો કેન્સરનો સામનો કરી રહ્યા છે. જેના કારણે ગામનું ઓળખ જ કેન્સર બની ગઈ છે. ત્યારે આ ગામમાં અમે પહોંચ્યા હતા.
આખુ ગામ કેન્સરથી પીડાઈ રહ્યું છે
આખુ ગામ કેન્સરથી પીડાઈ રહ્યું છે. ત્યારે તેનું કારણ શું ? તે જાણવા માટે અમે ગામના કેટલાય વયોવૃદ્ધ લોકોને મળ્યા. તો શાકભાજીમાં પેસ્ટસાઈટ થાય છે. તેના કારણે કદાચ કેન્સર થતું હશે. એવું પ્રાથમિક તારણ મેળવી વધુ જાણકારી માટે શાકભાજીના ખેતરમાં પહોંચ્યા.
ગ્રામ પંચાયત કેન્સરની જાગૃતિ માટે કરી રહી છે કામ
કેલિયાવાસણા ગામની ગ્રામ પંચાયત કેન્સરની જાગૃતિ માટે અનેક કામ કરી રહી છે. પરંતુ એવું સામે આવ્યું કે પંચાયતના સદસ્યનું પણ કેન્સરથી મોત થયું હતું. ગ્રામ પંચાયત દ્વારા કેન્સર નાબુદી માટે અલગ અલગ કાર્યક્રમનું આયોજન કરવામાં આવે છે. જેમાં કેન્સર કથા પણ એક છે.