આ બેઠકમાં ગ્રામીણ વિકાસ યોજનાઓ મુદ્દે ચર્ચા થશે. આ બેઠકમાં 18,19,20 નવેમ્બરના યોજાનાર ગ્રામીણ વિકાસ યાત્રા બાબતે ચર્ચા થશે.
વિવિધ મુદ્દે થશે ચર્ચા
તેમજ આ બેઠકમાં રાજ્યમાં વધી રહેલ કોરોના કેસ, કોરોના ટેસ્ટિંગ અને રસીકરણ બાબતે ચર્ચા થશે. તેમજ વાયબ્રન્ટ ગુજરાત તૈયારીઓ , મગફળી ખરીદી, અને અતિવૃષ્ટિ પાક નુકસાન સહાય બાબતે બેઠકમાં ચર્ચા થશે. આ ઉપરાંત રાજ્યમાં ઈંડા લારીઓ હટાવવા બાબતે અને રાજ્યમાં ગેરકાયદે ડ્રગ્સ હેરાફેરી બાબતે કેબિનેટમાં ચર્ચા થશે.
ખેડ઼ૂતોને સહાય આપવા મામલે થશે ચર્ચા
અતિવૃષ્ટીને કારણે ખેડૂતોના પાકને ભારે નુકશાન થયું છે. જેથી ખેડૂતોને સહાય આપવા મામલે પણ વિચારણા ચાલી રહી છે. જેને લઈને આજે નિર્ણય લેવામાં આવી શકે છે. આપને જણાવી દઈએ કે સપ્ટેમ્બર મહિનામાં ગુજરાતમાં ભારે વરસાદ પડ્યો છે. જેના કારમે ખેડૂતોના પાકને સૌથી વધારે નુકશાન થયું છે.
ભાજપની પ્રદેશ કારોબારીની પણ મળશે બેઠક
આજે ભાજપની પ્રદેશ કારોબારીની મહત્વની બેઠક મળશે. આ બેઠકમાં રાજકીય પ્રસ્તાવો રજૂ થશે. આ સાથે આજે પદ્મભૂષણ એવોડ મેળવેલા વ્યક્તિઓનું સન્માન કરવામાં આવશે. જેમાં 7 જેટલા એવોર્ડ મેળવેલા લોકોનું ભાજપ સન્માન કરશે. આ સમયે ભાજપના સિનિયર નેતાઓ સહિત ભાજપના આગેવાનો ઉપસ્થિત રહશે. ગુજરાત વિધાનસભાની આગામી ચૂંટણીને ભાજપ એડીચોટીનું જોર લગાવી રહી છે. તેમજ કાર્યકર્તાઓ સાથે મળીને આગાણી રણનીતિ તૈયાર કરવામાં આવી રહી છે.