કેબિનેટ બેઠક / CM ભૂપેન્દ્ર પટેલની અધ્યક્ષતામાં આજે યોજાશે કેબિનેટ બેઠક, આ મુદ્દાઓ પર થશે ચર્ચા

• મુખ્યમંત્રી ભૂપેન્દ્ર પટેલની હાજરીમાં યોજાશે કેબિનેટ બેઠક 
• અતિવૃષ્ટિને કારણે થયેલા નુકશાન પર કરવામાં આવશે ચર્ચા 
• ખેડૂતોને પાક નુકસાનની સહાય મામલે થશે ચર્ચા 

ગુજરાતના નવા મુખ્યમંત્રી ભૂપેન્દ્ર પટેલની અધ્યક્ષતામાં આજે કેબિનેટ બેઠક યોજાશે. આ બેઠકમાં ખાસ ચર્ચાઓ કરવામાં આવી શકે છે. રાજ્યમાં અતિવૃષ્ટિને કારણે જે પણ નુકશાન થયું છે તેને લઈને આ બેઠકમાં ચર્ચા કરીને મોટા નિર્ણયો લેવામાં આવી છે. બેઠકમાં ખાસ કરીને ખેડૂતોને હીતને ધ્યાનમાં રાખીને મોટા નિર્ણયો લેવામાં આવશે. 

ખેડ઼ૂતોને સહાય આપવા મામલે થશે ચર્ચા 

અતિવૃષ્ટીને કારણે ખેડૂતોના પાકને ભારે નુકશાન થયું છે. જેથી ખેડૂતોને સહાય આપવા મામલે પણ વિચારણા ચાલી રહી છે. જેને લઈને આજે નિર્ણય લેવામાં આવી શકે છે. આપને જણાવી દઈએ કે સપ્ટેમ્બર મહિનામાં ગુજરાતમાં ભારે વરસાદ પડ્યો છે. જેના કારમે ખેડૂતોના પાકને સૌથી વધારે નુકશાન થયું છે. 

વરસાદની તૈયારીઓને લઈ સમીક્ષા કરાશે 

ભારે વરસાદની શક્યતાને લઈને પણ આજે બેઠકમાં ચર્ચા થશે. જેમા વરસાદને પગલે તૈયારીઓને લઈને પણ આજે સમીક્ષા કરવામાં આવી શકે છે. ગુલાબ વાવાઝોડાને કારમે શાહિન વાવાઝોડું સક્રિય થવાનું છે જેના કારણે ગુજરાતમાં ભારે વરસાદ રહેશે. જેથી મુદ્દે બેઠકમાં ખાસ ચર્ચા કરવામાં આવી શકે છે. 

મંત્રીઓના પ્રવાસને લઈને પણ બેઠકમાં થશે ખાસ ચર્ચા 

ઉલ્લેખનીય છે કે મંત્રીઓના રાજ્યમાં પ્રવાસને લઈને પણ આજે બેઠકમાં ખાસ ચર્ચા કરવામાં આવી શકે છે. પરંતું સૌથી અગત્યનો મુદ્દો આ બેઠકમાં અતિવૃષ્ટિનો રહેશે. કારણકે ભારે વરસાદને કારણે ઘણા જિલ્લાઓમાં પરિસ્થિતી ખરાબ થઈ છે. આજે પણ સમગ્ર ગુજરાતમાં સાર્વત્રિક વરસાદ છે. જેથી તેને લઈને પણ ચર્ચા કરવામાં આવી શકે છે.