ના હોય! / હવે મનમાં વિચારતા પહેલા વિચારજો, વૈજ્ઞાનિકોએ એવું કોમ્પ્યુટર બનાવ્યું જે જાણી જશે 'મનની વાત'

• આ કોમ્પ્યુટર જાણી જશે મનની વાત 
• જાણો વૈજ્ઞાનિકોએ શું કરી શોધ 

પાછલા થોડા વર્ષોમાં બ્રેન-કોમ્પ્યુટર ઈન્ટફેસને આધુનિક બનાવવામાં એન્જિનિયરો અને વૈજ્ઞાનિકોને ખૂબ વધારે મદદ મળી છે. એવા યંત્રો બનાવવામાં આવ્યા છે. જે લકવાગ્રસ્ત લોકોને ચલાવી શકે છે. હવે નીધરલેન્ડ્સ અને જર્મનીના વૈજ્ઞાનિકોએ મળીને એવું કોમ્પ્યુટર બનાવ્યું છે જે વિચારોને વાતોમાં બદલી શકે છે. આ ટેક્નિક ભવિષ્યમાં એ લોકોની મદદ કરી શકશે. જેમને બોલવામાં કોઈ પણ પ્રકારની તકલીફ છે. 

સ્ટડીનો રિપોર્ટ જાહેર કર્યો 
ડચ અને જર્મન વૈજ્ઞાનિકોએ મશીન લર્નિંગની ટેક્નિકને વધારે સારી અને આધુનિક બનાવી દીધી છે. વૈજ્ઞાનિકોએ Epilepsyથી પીડિત એક મહિલાના દિમાગમાં ઈલેક્ટ્રોડ લગાવી દીધા. જેના કારણે તે જે પણ વિચારે છે તે શબ્દ તે બોલવા લાગતી હતી. આ સ્ટડીની રિપોર્ટ હાલમાં પ્રકાશિત થઈ છે. 

નીધરલેન્ડ્સના મેસ્ટ્રિચ યુનિવર્સિટી મેડિકલ સેન્ટરના ડો.પીટર કુબેને કહ્યું કે અમે વાઈ પીડિત દર્દીઓ પર ઘણા પ્રકારની તપાસ કરી. આ તપાસ કેમ્પેનહેધે એક્સપર્ટીઝ સેન્ટરમાં કરવામાં આવી. આ દર્દીઓના દિમાગમાં ઈલેક્ટ્રોડ્સ નાખવામાં આવ્યા હતા. તેમની સ્ટડીમાં શામેલ થવા માટે પુછવામાં આવ્યું હતું. જ્યારે તેમણે પરવાનગી આપી ત્યારે તેમને આ રિસર્ચમાં શામેલ કરવામાં આવ્યા હતા. 

કોમ્પ્યુટરે મનમાં વિચારેલા શબ્દો જોરથી બોલ્યા 
ડો. પીટર કુબેનને જણાવ્યું કે એક તપાસ ફક્ત બોલવા પર આધારિત હતી. પહેલુ કામ એ કરવામાં આવ્યું કે દર્દીઓને કંઈક વાંચવા માટે આપવામાં આવ્યું. ત્યાર બાદ કોમ્પ્યુટરે વાંચતી વખતે બોલવામાં આવેલા શબ્દો અને તે સમયે થઈ રહેલી દિમાગી ગતિવિધિઓના સંબંધને સમજ્યો. તેના માટે કોમ્પ્યુટરે મશીન લર્નિંગ પ્રોગ્રામને એક્ટિવેટ કર્યો હતો. 

મશીન લર્નિંગ પ્રોગ્રામને એક્ટિવેટ કર્યા બાદ કોમ્પ્યુટરે સીધુ એક ઓડિયો જનરેટ કર્યો, જેમાં એ શબ્દોને કોમ્યુટરે જોરથી બોલ્યા જેને વાઈન દર્દીઓએ વાંચતી વખતે ખૂબ જ ધીમે બોલ્યા હતા અથવા તો મનમાં વિચાર્યું હતું. આ સ્ટડીના પ્રમુખ શોધકર્તા ક્રિશ્ચિયન હર્ફે કહ્યું હતું કે સામાન્ય રીતે બોલવા પર પણ જે ડેટા મોડલ્સ ભેગા કરવામાં આવ્યા છે તમનાથી પણ કોમ્પ્યુટર સ્પીતને ઈમેજીન કરી શકાય છે. 

બોલવામાં તકલીફ હોય તેમને માટે આ થેરાપી કામ કરશે 
ક્રિશ્ચિયન હર્ફે કહ્યું કે આ પ્રયોગમાં સૌથી મોટી સરફળતા જે મળી છે તેને સ્પીચ ન્યુરોપ્રોસ્થેસિસ કહેવામાં આવે છે. જે લોકોને બોલવામાં ગંભીર મુશ્કેલી થાય છે અથવા તો કોઈ મગજમાં ઈજા અથવા બિમારીના કારણે બોલી નથી શકતા. તેમના માટે આ થેરાપી કામ કરશે. 

ક્રિશ્ચિયન હર્ફે જણાવ્યું કે હાલ આ સ્ટડી અને તેના પરિણામ 100 શબ્દો પર આધારિત છે. ધીરે ધીરે અમે વધુ શબ્દોને આ થેરાપીમાં શામેલ કરીશું જેથી વધારે સારૂ રિઝલ્ટ આવી શકે. અમુક દિવસો બાદ દર્દી સંપૂર્ણ વાક્યોને કોમ્પ્યુટર દ્વારા પ્રોસેસ કરી બોલી શકશે.