સુરતમાં કોસાડ વિસ્તાર રહેતો 12 વર્ષનો કિશોર બ્રિજ પરથી નદીમાં પડી જવાની ઘટના સામે આવી છે, પિતા બ્રિજની પાળી પર પુત્રને બેસાડીને સેલ્ફી લઈ રહ્યા હતા ત્યારે આ દુઘર્ટના સર્જાઈ
સેલ્ફીના ચક્કરમાં નદીમાં પડ્યો કિશોર
બ્રિજની પાળી પર બેસાડી લેતા હતા સેલ્ફી
ભારે જહેમત બાદ પણ કિશોર ન મળ્યો કિશોર
વર્તમાન સમયમાં મોબાઈલનો ક્રેઝ એટલો બધો વધી ગયો છે જેના કારણે જીવ પર જોખમની પણ પરવા કરતા નથી અને મોબાઈલમાં રચ્યા પચ્યા રહેતા હોય છે. આજના સોશિયલ મીડિયાના યુગમાં કોઈ પણ વ્યક્ત બાકાત રહી શક્યો નથી, તેમાય મોબાઈલમાં સેલ્ફી લેવાનો ક્રેઝ દિવસે દિવસે વધતો જઈ રહ્યો છે સુરતમાં સેલ્ફી લેવાના ચક્કમાં પિતાએ પુત્ર ગુમાવવાનો વારો આવ્યો છે.
બ્રિજની પાળી પર બેસાડી લેતા હતા સેલ્ફી
સુરતમાં કોસાડ વિસ્તાર રહેતો 12 વર્ષનો કિશોર બ્રિજ પરથી નદીમાં પડી જવાની ઘટના સામે આવી છે, કિશોર ઝકિર પિતા બ્રિજ પર ફરવા માટે આવ્યો હતો અને જ્યારે પિતા બ્રિજની પાળી પર પુત્રને બેસાડીને સેલ્ફી લઈ રહ્યા હતા ત્યારે આ દુઘર્ટના સર્જાઈ હતી, બવાની જાણ ફાયર વિભાગે થતા જ ફાયરબ્રિગેડ ઘટના સ્થળે આવી પહોંચી હતી, ફાયર વિભાગે મોડી રાત સુધી નદીમાં પડેલા પુત્રને શોધવાની કાર્યવાહી હાથ ધરી હતી પરતું કોઈ પત્તો લાગ્યો ન હતો. જો કે સમગ્ર મામલે પોલીસ વિભાગને જાણ કરાત પોલીસે પિતા અને પરિવારના નિવેદન નોંધી આગળની તપાસ હાથ ધરી છે.
ભારે જહેમત બાદ પણ કિશોર ન મળ્યો કિશોર
મહત્વનું છે કે વર્તમાન સમયમાં મોબાઈલ અને સોશિયલ મીડિયાનો ઉપયોગ જરૂરી બન્યો છે તેમાય સેલ્ફીના ચક્કરમાં કેટલાક લોકો એટલા બધા લાપરવા બની જતા હોય છે કે પોતાના જીવની પણ પરવા કરતા નથી, સોશિયલ મીડિયાને કારણે સાઈબર ક્રાઈમ જેવી ઘટનાઓ પણ વધી જતી હોય છે, જ્યારે સેલ્ફે લેવાના ચક્કરમાં એવા કિસ્સા પણ સામે આવે છે જેના કારણે જીવ ગુમાવવાનો વારો આવે છે, સુરતમાં બનેલી આ ઘટના બાદ અનેક લોકોએ આમાંથી શીખ લેવી જોઈએ.