ચકચાર / રાજકોટમાં પેટીમાંથી પેટ્રોલ સેમ્પલની બોટલને બોમ્બ સમજી લેતા અફરાતફરીનો માહોલ

પ્રાપ્ત થતી જાણકારી પ્રમાણે, રાજકોટના ગાંધીગ્રામ પોલીસ ચોકી વિસ્તારમાં આવેલ હનુમાનજી મંદિર નજીકથી એક પેટી મળી આવતા સ્થાનિકોમાં ભયનો માહોલ જોવા મળ્યો હતો. જો કે, આ પેટી અંગેની જાણ થતાં જ પોલીસ કાફલો અને બોમ્બ સ્કવોર્ડ તાત્કાલિક અસરથી ઘટના સ્થળે ધસી આવી હતી. 

પેટ્રોલ બોટલને લોકો સમજી બેઠા બોમ્બ

જો કે, ગાંધીગ્રામ હનુમાનમઢી વિસ્તારમાંથી મળી આવેલી આ પેટી ખોલવામાં આવતા તેમાંથી એક બોટલ મળી હતી. આ બોટલ પેટ્રોલ સેમ્પલ હોવાનું માલૂમ પડ્યું હતું. ઉલ્લેખનીય છે કે, સ્થાનિકો પેટ્રોલ સેમ્પલ બોટલને બોમ્બ સમજી બેઠાં હતા અને જ્યારે આ અંગેનો ખુલાસો થતાં બોમ્બ સ્કવોર્ડ, પોલીસ તથા સ્થાનિકોએ રાહતનો શ્વાસ લીધો હતો.