આશ્ચર્ય / જર્મનીમાં અહીં મળી આવ્યો દ્રિતીય વિશ્વયુદ્ધનો બોમ્બ, સ્થાનિકોનું સુરક્ષિત સ્થળે સ્થળાંતર

(પ્રતિકાત્મક તસ્વીર)

જર્મની (Germany) નાં ફ્રૈંકફર્ટ (frankfurt ) માં યૂરોપીય કેન્દ્રીય બેંક (ઇસીબી)નાં મુખ્યાલય પાસે દ્રિતીય વિશ્વ યુદ્ધનાં સમયનો 500 કિ.ગ્રાનાં વજનનો એક બોમ્બ (bomb) મળ્યા બાદ તેને નિષ્ક્રિય કરવા માટે ત્યાંના હજારો સ્થાનિકોને સુરક્ષિત સ્થળ પર પહોંચાડી દેવામાં આવ્યાં.

ઇસીબીની બિલ્ડીંગની સાથે સાથે આસપાસનાં એક કિમીનાં ક્ષેત્રનાં રહેણાંક વિસ્તારોને પણ ખાલી કરાવી દેવાયો છે. જ્યાં અંદાજે 16,000 લોકો રહે છે. આ બોમ્બ અંદાજે એક કિમી સુધીનાં ક્ષેત્ર સુધી તબાહી મચાવી શકે છે.

ફ્રેંકફર્ટર એલ્લઝીમાઇન જેઇતુંગ વર્તમાનપત્રનાં અનુસાર, ઇસીબીની પ્રવક્તાએ એમ જણાવ્યું કે, અમે એક બીજી જગ્યાની વ્યવસ્થા કરી છે કે જ્યાંથી જો જરૂરી લાગશે તો અમારા કર્મીઓ ત્યાંથી કામ કરશે. આ અમેરિકી બોમ્બ 25 જૂનનાં રોજ બેંકિંગ રાજધાની ફ્રેંકફર્ટમાં નિર્માણ કાર્ય દરમ્યાન મળ્યો હતો.

આયુધ ક્લીયરેંસ સર્વિસે જણાવ્યું કે, આ બોમ્બથી તુરંત કોઇ જ ખતરો નથી અને તેને નિષ્ક્રિય કરવા માટે રવિવારનો દિવસ નક્કી કર્યો હતો. દ્રિતીય વિશ્વ યુદ્ધનાં અંદાજે 75 વર્ષ બાદ પણ જર્મનીમાં બોમ્બ અને અન્ય વિસ્ફોટક મળતા આવ્યાં છે.