જીવ બચાવવા બંકરમાં જતાં રહ્યા ઈન્ટરનેશનલ ખેલાડીઓ, ચાર દર્શકો ઘાયલ થયા
અચાનક બ્લાસ્ટ થયો અને મેચ રોકવી પડી, વિડીયો સોશિયલ મીડિયામાં વાયરલ
અફઘાનિસ્તાનમાં લાઈવ ક્રિકેટ મેચ દરમ્યાન બોમ્બ વિસ્ફોટની ઘટના સામે આવતા હડકંપ મચી ગયો છે. વિગતો મુજબ કાબુલ ઈન્ટરનેશનલ ક્રિકેટ સ્ટેડિયમમાં શાપેજા ક્રિકેટ લીગ મેચ રમાઈ રહી હતી. બેન્ડ-એ-અમીર ડ્રેગન અને પામિર ઝાલ્મી (પામીર ઝાલ્મી વિ બેન્ડ-એ-અમીર ડ્રેગન) વચ્ચેની મેચ દરમ્યાન બોમ્બ વિસ્ફોટની ઘટના સામે આવી હતી. જોકે એક સ્થાનિક પત્રકારે પણ તેનો પણ વીડિયો શેર કર્યો છે. કાબુલ પોલીસના પ્રવક્તાએ જણાવ્યું કે, વિસ્ફોટ ગ્રેનેડના કારણે થયો હતો. જેમાં ચાર દર્શકો ઘાયલ થયા હતા. શરૂઆતમાં એવું કહેવામાં આવી રહ્યું હતું કે આ એક આત્મઘાતી બોમ્બ બ્લાસ્ટ હતો.
અફઘાનિસ્તાન ક્રિકેટે ખૂબ જ મુશ્કેલ પરિસ્થિતિમાં પોતાના દેશની ટીમને વર્લ્ડ ક્લાસ ટીમ બનાવી છે. રાશિદ ખાન હોય કે અસગર અફઘાન, દેશને ઘણા એવા ક્રિકેટરો આપ્યા છે જે આજે દુનિયાભરમાં લોકપ્રિય છે. પરંતુ અફઘાનિસ્તાનની સ્થિતિ ક્રિકેટની પ્રગતિમાં અવરોધ બની રહી છે. કાબુલના ક્રિકેટ સ્ટેડિયમમાં શુક્રવારે જ્યારે ટી-20 મેચ રમાઈ રહી હતી ત્યારે આત્મઘાતી બોમ્બ વિસ્ફોટ થયો હતો. સ્ટેડિયમ દર્શકોથી ખીચોખીચ ભરાઈ ગયું હતું અને બ્લાસ્ટ બાદ સર્વત્ર અરાજકતા ફેલાઈ ગઈ હતી. આ વિસ્ફોટમાં ચાર લોકો ઘાયલ થયા હોવાના અહેવાલ છે.
અચાનક બ્લાસ્ટ થયો અને મેચ રોકવી પડી
કાબુલ ઈન્ટરનેશનલ ક્રિકેટ સ્ટેડિયમમાં હુમલાને કારણે મેચ થોડીવાર માટે રોકવી પડી હતી. ખેલાડીઓને બંકરની અંદર લઈ જવામાં આવ્યા હતા. વિસ્તાર સાફ કર્યા પછી મેચ ફરી શરૂ થઈ. અફઘાનિસ્તાન ક્રિકેટ બોર્ડ દ્વારા કહેવામાં આવ્યું છે કે, તમામ ખેલાડીઓ, સપોર્ટ સ્ટાફ અને વિદેશીઓ સુરક્ષિત છે. સ્ટેડિયમમાં યુએનના ટોચના અધિકારી રમીઝ અલ્કાબારોવ પણ હાજર હતા. યુએનએ તેના નિવેદનમાં તેને 'ક્રૂર હુમલો' ગણાવી તેની નિંદા કરી છે.
આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. બ્લાસ્ટ બાદ સ્ટેન્ડમાં ભારે અફરાતફરીનો માહોલ સર્જાયો હતો. આ વિસ્ફોટથી સ્ટેડિયમમાં હાજર તમામ લોકો ચોંકી ગયા હતા. આ ઘટના કાબુલ ઈન્ટરનેશનલ સ્ટેડિયમ ખાતે પામીર જાલ્મી અને બેન્ડ-એ-અમીર ડ્રેગન વચ્ચે શાપેઝા ક્રિકેટ લીગની 22મી લીગ મેચ દરમિયાન બની હતી. કાબુલ પોલીસ હેડક્વાર્ટરએ આ ઘટનાની પુષ્ટિ કરી છે, પરંતુ હજુ સુધી કોઈ જાનહાનિ જાહેર કરવામાં આવી નથી. મેચ દરમ્યાન પ્રથમ બેટિંગ કરતા ઝાલ્મીએ 20 ઓવરમાં 5 વિકેટે 159 રન બનાવ્યા હતા. મેચ રોકાવાને કારણે ડકવર્થ લુઈસ નિયમ અનુસાર ડ્રેગનને 10 ઓવરમાં 94 રનનો ટાર્ગેટ મળ્યો હતો. પોતાના સિવાય દૌલત ઝદરાન, કરીમ જનાતે 17 બોલમાં એક વિકેટ ગુમાવીને મેચ જીતી લીધી હતી.