ભારતે બ્રિક્સ દેશો સાથે થયેલી ડિઝિટલ સ્તરની બેઠકમાં સરહદીય આતંકવાદ અને આતંકી સંગઠનોને આશ્રય આપવા બદલ પાકિસ્તાનની ઝાટકણી કાઢી.
આતંકવાદના મુદ્દે બ્રિક્સ દેશોની બેઠક યોજાઈ
ભારત વતી રાષ્ટ્રીય સુરક્ષા સલાહકાર અજિત ડોભાલ હાજર રહ્યાં
આતંકવાદના મુદ્દે પાકિસ્તાનની આકરી ઝાટકણી કઢાઈ
બ્રિક્સમાં, ભારત, ચીન, બ્રાઝિલ, રશિયા અને દક્ષિણ આફ્રિકા સામેલ છે
ભારત વતી બ્રિક્સ બેઠકમાં રાષ્ટ્રીય સુરક્ષા સલાહકાર અજિત ડોભાલ હાજર રહ્યાં હતા. વિદેશમંત્રીએ આ વાતની જાણકારી આપી. મંત્રાલયે જણાવ્યું કે ભારતે સીમા પારના આતંકવાદ અને લશ્કરે એ તોયબા અને જૈશ એ મોહમ્મદ જેવા સમૂહોની ગતિવિધિઓનો મુદ્દો ઉઠાવ્યો જેને દેશનું સમર્થન પ્રાપ્ત છે અને તે શાંતિ અને સુરક્ષા માટે ખતરો છે.
તેની સાથે બ્રિક્સ દેશોની બેઠકમાં અફઘાનિસ્તાનની સ્થિતિની પણ સમીક્ષા કરવામાં આવી. ભારતે જણાવ્યું કે બેઠકમાં અફઘાનિસ્તાન, ઈરાન, પશ્ચિમ એશિયા અને ખાડી દેશોમાં હાલના વિકાસ તથા સાયબર સુરક્ષા જેવા રાષ્ટ્રીય સુરક્ષા માટે ઊભરતા જોખમોના સંદર્ભમાં ક્ષેત્રીય અને રાજકીય તથા સુરક્ષાની પણ સમીક્ષા કરવામાં આવી. વિદેશ મંત્રાલયે આગળ કહ્યું કે રાષ્ટ્રીય સુરક્ષા માટે જવાબદાર ઉચ્ચ પ્રતિનિધિઓની બેઠકમાં બ્રિક્સ દેશોની વચ્ચે રાજકીય અને સુરક્ષા મુદ્દાના વિચારોનું આદાનપ્રદાન કરવા માટે એક મહત્વપૂર્ણ મંચ તરીકે બહાર આવ્યું છે.
બ્રિક્સ બેઠકમાં આતંકવાદની સામે એક યોજનાની મંજૂરી પણ આપવામાં આવી. મંત્રાલયે જણાવ્યું કે ઉચ્ચ પ્રતિનિધિઓએ બ્રિક્સ શિખર સંમેલન દ્વારા વિચાર માટે બ્રિક્સ કાઉન્ટર ટેરરિઝમ એક્શન પ્લાનને લાગુ પાડ્યો છે. કાર્ય યોજનાનો ઉદ્દેશ આતંકી ફંડિગનો મુકાબલો કરવા માટે હાલના તંત્રને વધારે મજબૂત કરવાનો છે.