BIG NEWS / પંજાબના મોહાલીમાં ઇન્ટેલિજન્સ ઓફિસની બહાર ધમાકો, મળી આવી એવી ચીજ કે સુરક્ષા એજન્સીઓ થઈ દોડતી

• પંજાબમાં ઈન્ટેલિજન્સ ઓફિસ બહાર બ્લાસ્ટ
• મોહાલીમાં ઈન્ટેલિજન્સ ઓફિસ બહાર બ્લાસ્ટ
• મુખ્યમંત્રીએ આપ્યા તપાસના આદેશ

અચાનક થયેલા બ્લાસ્ટને પગલે ઓફિસની બારીઓના કાચ તૂટી ગયા હતા. જોકે આ ઘટનાને પગલે જાનહાનિના કોઈ અહેવાલ પ્રાપ્ત થયાં નથી. પોલીસ ટીમ ઘટનાસ્થળે પહોંચી હતી અને તપાસ હાથ ધરી હતી. 

Punjab | A blast occurred outside the Intelligence Department building of Punjab Police in Mohali. The police have cordoned off the area around the office. pic.twitter.com/5sOPC7yJrP

— ANI (@ANI) May 9, 2022

મોડી સાંજે બની ઘટના 

જણાવવામાં આવી રહ્યું છે કે સાંજે લગભગ 7.30 વાગ્યે ઓફિસના ત્રીજા માળે રોકેટ જેવું કંઈક અથડાયું હતું. આ બ્લાસ્ટથી ઓફિસની ઘણી બારીઓના કાચ તૂટી ગયા હતા. અનેક ઉચ્ચ પોલીસ અધિકારીઓ ઘટનાસ્થળે હાજર છે અને મામલાની તપાસ કરી રહ્યા છે.

મુખ્યમંત્રી આવ્યા એક્શન

બનાવ અંગેની જાણ થતાં જ સીએમ ભગવંત માન એક્શનમાં આવ્યા છે અને બ્લાસ્ટ અંગે રિપોર્ટ માંગ્યો છે.  જોકે પોલીસે આતંકવાદી ઘટનાનો ઈન્કાર કર્યો હતો. ઓફિસમાં રાખવામાં આવેલા વિસ્ફોટકોના કારણે વિસ્ફોટ થયો હોવાનું પણ સૂત્રો જણાવી રહ્યા છે. પંજાબ પોલીસે પોતાના નિવેદનમાં કહ્યું છે કે ઓફિસમાં રાખવામાં આવેલા વિસ્ફોટમાં આગ લાગવાના કારણે વિસ્ફોટ થયો છે. ફોરેન્સિક ટીમને સ્થળ પર બોલાવવામાં આવી છે. એવું અનુમાન લગાવવામાં આવી રહ્યું છે કે ઇમારત પર હુમલો આરપીજીથી કરવામાં આવ્યો છે.

RPG શું છે?

રોકેટ-સંચાલિત ગ્રેનેડ એ ખભાથી ચલાવવામાં આવતું મિસાઈલ હથિયાર છે જે વિસ્ફોટક હથિયારથી સજ્જ રોકેટને લોન્ચ કરે છે. મોટાભાગના આરપીજી એક વ્યક્તિ વહન કરી શકે છે અને ઘણીવાર તેનો ઉપયોગ ટેન્ક વિરોધી શસ્ત્રો તરીકે થાય છે.