ગાંધીનગર ખાતે આવતીકાલે ભાજપના ધારાસભ્ય દળની બેઠક યોજવાની છે. જેમાં પ્રોટેમ સ્પીકર અને ભાજપના તમામ નવા ચૂંટાયેલા ધારાસભ્યો શપથ લેશે.
આવતીકાલે ભાજપના ધારાસભ્ય દળની બેઠક
વિધાનસભાના સત્ર અગાઉ ભાજપના ધારાસભ્ય દળની બેઠક
બેઠકમાં પ્રોટેમ સ્પીકર અને ધારાસભ્યો લેશે શપથ
તાજેતરમાં યોજાયેલી ગુજરાત વિધાનસભાની ચૂંટણીમાં ભાજપે ઐતિહાસિક જીત મેળવી છે. પરિણામ જાહેર થયા બાદ ગુજરાતના મુખ્યમંત્રી તરીકે ગત સોમવારે ભૂપેન્દ્ર પટેલે શપથ ગ્રહણ કર્યા હતા. તેમની સાથે તેમના મંત્રીઓએ પણ શપથ લીધા હતા. આ શપથગ્રહણ સમારોહ ગાંધીનગરના હેલિપેડ ગ્રાઉન્ડ ખાતે યોજાયો હતો. ત્યારે હવે આવતીકાલે એટલે કે 19 ડિસેમ્બરે ભાજપના ધારાસભ્ય દળની બેઠક યોજાવા જઈ રહી છે.
આવતીકાલે ભાજપના ધારાસભ્ય દળની બેઠક
વિધાનસભાના સત્ર અગાઉ ભાજપના ધારાસભ્ય દળની બેઠક યોજાશે. આ બેઠકમાં પ્રોટેમ સ્પીકર અને ધારાસભ્યો શપથ લશે. 19 ડિસેમ્બરે તમામ ધારાસભ્યો ગાંધીનગરમાં રહેશે. તમામ ધારાસભ્યોની શપથવિધીનું આયોજન કરવામાં આવ્યુ છે. સૌથી પહેલા માંજલપુરના ધારાસભ્ય યોગેશ પટેલ પ્રોટેમ સ્પીકર તરીકે શપથ લેશે. જે બાદ તેઓ નવા ચૂંટાયેલા ભાજપના ધારાસભ્યોને શપથ લેવડાવશે.
પ્રોટેમ સ્પીકર અને ધારાસભ્યો લેશે શપથ
ગુજરાતમાં ભૂપેન્દ્ર પટેલ સરકારના મંત્રીઓએ શપથગ્રહણ કરી લીધા છે. સાથે જ મુખ્યમંત્રી ભૂપેન્દ્ર પટેલ સહિત તમામ મંત્રીઓએ મુહૂર્ત સાચવીને કાર્યભાર પણ સંભાળી લીધો છે. ગુજરાતના નવા પ્રોટેમ સ્પીકરની નિમણૂંક કરવામાં આવી છે. માંજલપુરના ધારાસભ્ય યોગેશ પટેલ નવા પ્રોટેમ સ્પીકર બન્યા છે. પ્રોટેમ સ્પીકર તરીકે યોગેશ પટેલને સત્તાવાર જાણ કરવામાં આવી છે. હવે યોગેશ પટેલ તમામ નવા ચૂંટાયેલા ધારાસભ્યોને શપથ લેવડાવશે. સાથે જ કાયમી સ્પીકરની ચૂંટણી પ્રક્રિયા પણ હાથ ધરશે.
20 ડિસેમ્બરે મળશે વિધાનસભાનું સત્ર
આગામી 20 ડિસેમ્બરે એક દિવસ માટે વિધાનસભાનું સત્ર મળશે. એક દિવસીય સત્રમાં રાજ્યપાલ આચાર્ય દેવવ્રત સંબોધન કરશે. આ એક દિવસીય સત્રમાં વિધાનસભાના અધ્યક્ષ-ઉપાધ્યક્ષની નિમણૂક કરવામાં આવશે. આપને જણાવી દઈએ કે, ભારતીય જનતા પાર્ટી ગુજરાત તરફથી વિધાનસભાના અધ્યક્ષ અને ઉપાધ્યક્ષના નામ નક્કી કરવામા આવ્યા છે. વિધાનસભા અધ્યક્ષ તરીકે શંકર ચૌધરી અને ઉપાધ્યક્ષ તરીકે જેઠા ભરવાડનું નામ નક્કી કરી લેવામાં આવ્યું છે.