આપે અત્યાર સુધી તમે મહિલાઓ માટે ગર્ભનિરોધક ગોળી વિશે સાંભળ્યુ છે પરંતુ હવે મહિલાઓને આ દવા લેવામાંથી મૂક્તિ મળનાર છે. કારણ એવું છે કે હવે ગર્ભનિરોધક ગોળી પુરૂષો માટે શોધાઇ છે. આ દવા હવે પુરૂષો માટે શોધવામાં આવી છે.
વૈજ્ઞાનિકોએ કરેલ આ સંશોધનમાં સામે આવ્યું છે કે હવે પુરૂષના શુક્રાણુઓની ગતિશીલતા પર કંટ્રોલ કરી શકાશે. જેના કારણે ફળદ્રુપતાની ક્ષમતામાં ઘટાડો કરી શકાશે. આ પ્રયોગ બાદ પુરૂષો માટે પણ ગર્ભ નિરોધની ગોળી બનાવવાનો પ્રયાસ કરવામાં આવશે. આ સાથે આ ગોળી પુરૂષના હાર્મન્સ પર પણ કોઇ આડ અસર નહીં પહોંચાડે.
જર્નલ પીએલઓએસ વનમાં પ્રસિધ્ધ થયેલ આ શોધ વિશે દાવો કરવામાં આવેલ છે કે આ યોજનાથી 'પુરૂષ-પિલ' બનાવવામાં આવશે.આ ગોળીનો ઉપયોગ કરનાર વ્યક્તિને કોઇપણ પ્રકારની આડઅસર થશે નહીં.
ઉલ્લેખનીય છે કે આ સંશોધનનો પ્રથમ પ્રયોગ નર વાંદરો પર કરવામાં આવ્યો હતો. જેમાં જાણવા મળ્યું કે આ દવાની કોઇ આડ અસર થયેલી જોવા મળતી નથી.