ભારત ની ટેલિકોમ જાયન્ટ વોડાફોન ભારત સરકાર સામેનો આંતરરાષ્ટ્રીય મધ્યસ્થતાનો કેસ જીતી ગઈ છે, આ કેસ 12000 કરોડના લેણાં અને 7900 કરોડના દંડ સાથે કુલ મળીને 20000 કરોડ જેટલી રકમનો હતો.
મોદી સરકાર ને પડી શકે છે 20000 કરોડની ખોટ
ભારત સરકાર સામેનો કેસ વોડાફોન જીતી ગઈ
સિંગાપોરની આંતરરાષ્ટ્રીય કોર્ટમાં ચાલતો હતો કેસ
ટેલીકોમ કંપની વોડાફોન 20,000 કરોડ રૂપિયાના કર વિવાદ મામલે ભારત સરકાર ને હરાવીને આંતરરાષ્ટ્રીય મધ્યસ્થતા કેસમાં જીતી ગઈ છે. કંપની દ્વારા શુક્રવારે કહેવામાં આવ્યું હતું કે તેણે સિંગાપોર ની આંતરરાષ્ટ્રીય અદાલત માં 12,000 કરોડના લેણાં અને 7,900 કરોડ દંડ સાથે જોડાયેલા એક મહત્વપૂર્ણ કેસમાં ભારત સરકાર સામે જીત મેળવી છે.
2016માં સિંગાપોરમાં વોડાફોન દ્વારા દાખલ કરાયો હતો કેસ
2016 માં, વોડાફોન એ સિંગાપોરના singapore international arbitration centre સમક્ષ ભારત સરકાર વિરુદ્ધ અરજી કરી હતી. એરવેવ્સના ઉપયોગ પર લાઇસન્સ ફી અને રીટ્રોએક્ટીવ ટેક્સ દાવાને લઈને આ વિવાદ શરૂ થયો હતો.
કંપનીના સૂત્રોએ ન્યૂઝ એજન્સી રોઇટર્સ ને જણાવ્યું હતું કે, ટ્રિબ્યુનલે તેના નિર્ણયમાં કહ્યું છે કે ભારત સરકાર દ્વારા વોડાફોન પર ટેક્સ લાયેબિલીટી લાદવી એ ભારત અને નેધરલેન્ડ વચ્ચેના રોકાણ સંધિ કરારનું ઉલ્લંઘન છે.
વોડફોન ને AGR માટે મળી છે થોડી રાહત
તે પહેલા, ભારત ના ટેલિકોમ ક્ષેત્રની ટોચની કંપની, વોડાફોનને AGR લેણાંમાં પણ સુપ્રીમ કોર્ટથી થોડી રાહત મળી હતી. કોર્ટે વોડાફોન ને સરકાર ના લેણાં ચૂકવવા માટે 10 વર્ષનો સમય આપ્યો છે.
જો કે, કંપની એ હજી પણ તેની એડજસ્ટ કરેલી AGR બાકી રકમનો 3 થી 5 ટકા ભાગ ટેલિકોમ ડિપાર્ટમેન્ટને એરવેવ્સ માટે વપરાશ ફી તરીકે અને આઠ ટકા લાઇસન્સ ફી તરીકે ચૂકવવો પડશે. કંપનીએ AGR ની વ્યાખ્યા લાંબા સમયથી વિવાદિત છે, પરંતુ ગયા વર્ષે સુપ્રીમ કોર્ટે સરકાર ની તરફેણમાં કહ્યું હતું કે તમામ આવકને AGR માં સમાવવામાં આવશે.