પ્રધાનમંત્રી નરેન્દ્ર મોદી તેમની ઓફિસમાં દરરોજ મહેમાનો સાથે મુલાકાતો કરતા રહે છે. આ મહેમાનોમાં વિદેશી પ્રમુખથી લઇને દિગ્ગજનો સમાવેશ થાય છે પરંતુ મંગળવારે તેમણે મળવા એક ખાસ મહેમાન આવ્યો. જેની તસવીરો પ્રધાનમંત્રી મોદીએ પોતાના ટ્વીટર એકાઉન્ટ પર પોસ્ટ કરી હતી. પ્રધાનમંત્રી આ તસવીરોમાં એક નાનકડા બાળક સાથે રમતા જણાઇ રહ્યા છે.
Prime Minister Narendra Modi: "A very special friend came to meet me in Parliament today." (From PM Modi's Instagram feed) pic.twitter.com/osBTm9gHQZ
પ્રધાનમંત્રીએ આ તસવીરની સાથે ઇંસ્ટાગ્રામ પર કેપ્શનમાં લખ્યું કે, આજે સંસદમાં મને મળવા એક ખાસ મિત્ર આવ્યો હતો. આ તસવીરમાં બાળકની સાથે કેટલીક ચોકલેટ્સ પણ ટેબલ પડેલી જોવા મળે છે તેને જોઇને તે ખૂબ જ ઉત્સાહિત દેખાઇ રહ્યો છે. પ્રધાનમંત્રીએ બાળકની સાથે રમતા રમતા પોતાની બે તસવીરો શેર કરી છે.
આપને જણાવી દઇએ કે પ્રધાનમંત્રી નરેન્દ્ર મોદીનો બાળકો પ્રત્યેનો પ્રેમ અવાર નવાર સામે આવે છે. તેઓ જ્યારે વિદેશ પ્રવાસમાં હોય ત્યારે પણ આ પ્રકારની કેટલીક તસવીરો શેર કરતા રહ્યા છે.
15 ઓગસ્ટે લાલકિલ્લા પર ભાષણ દરમિયાન પ્રોટોકોલ તોડીને બાળકોને મળવા માટે પહોંચી જવું તે તેમની બાળકો પ્રત્યેની નિર્દોષ લાગણી દર્શાવે છે. ત્યારે આજેપણ આ પ્રકારની એક તસવીર શેર કરીને પ્રધાનમંત્રીએ બાળકો પ્રત્યેના તેમના પ્રેમને જનતા સમક્ષ વ્યક્ત કર્યો હતો.