કરુણાંતિકા / તેડીને લઈ જતી વખતે માતાના ખોળામાં જ બાળકીને ચાઇનીઝ દોરી વાગતા મૃત્યુ, અમદાવાદમાં 108 નંબર પર 1355 કોલ આવ્યા 

• મહેસાણામાં વિસનગરના કડા દરવાજા નજીક બાળકીને વાગી દોરી
• 4 વર્ષીય માસૂમ બાળકીનું ચાઈનીઝ દોરી વાગતા મૃત્યુ
• માતાની સામે ઈજાગ્રસ્ત બાળકીએ તોડ્યો દમ 
• ઉત્તરાયણમાં બપોરે 12 વાગ્યા સુધી હજારથી વધુ ઈમરજન્સી
• 108 ઇમરજન્સી લાઈન પર 1355થી વધુ કોલ મળ્યા 

ગુજરાતભરમાં હાલ ઉત્તરાયણના તહેવારની હર્ષોલ્લાસ સાથે ઉજવણી થઈ રહી છે. આ તરફ મહેસાણામાં ચાઇનીઝ દોરીના કારણે એક બાળકીનું મૃત્યુ થયાનું સામે આવ્યું છે. ઘટનાની વિગતો મુજબ વિસનગરમાં એક બાળકીને ગળાનાના ભાગે ચાઇનીઝ દોરી વાગતા કરુણ મોત થયું છે. બાળકીને ગળાનાના ભાગે ચાઇનીઝ દોરી વાગતા તાત્કાલિક સારવાર અર્થે ખસેડાઇ હતી. પરંતુ ફરજ પરના ડોકટરોએ બાળકીને મૃત જાહેર કરી હતી. આ તરફ અમદાવાદમાં ઉત્તરાયણમાં બપોરે 12 વાગ્યા સુધી 108ને 1355થી વધુ ઈમરજન્સી કોલ મળ્યા છે. 

મહેસાણામાં દોરી વાગતા વધુ એક મોતની ઘટના 
મહેસાણા જિલ્લાના વિસનગરના કડા દરવાજા નજીક દોરી વગતા બાળકીનું મૃત્યુ થયું છે. પ્રાથમિક માહિતી મુજબ 4 વર્ષીય બાળકીનું ચાઈનીઝ દોરી વાગતા મૃત્યુ થયાનું સામે આવ્યું છે. બાળકીની માતા જ્યારે માસુમને તેડીને જતાં હતા ત્યારે ચાઇનીઝ દોરી બાળકીના ગાળાના ભાગે વાગી હતી. જે બાદમાં ઈજાગ્રસ્ત બાળકીને સારવાર અર્થે ખસેડતા ડોકટરોએ મૃત જાહેર કરતાં પરિવારજાણો ઘેર શોકમાં ગરકાવ થઈ ગયા છે. જોકે મૃતક બાળકીનું નામ ક્રિષ્ના ઠાકોર હોવાનું સામે આવ્યું છે. 

અમદાવાદમાં બપોર સુધી હજારથી વધુ ઈમરજન્સી કોલ 
અમદાવાદમાં ઉત્તરાયણમાં બપોરે 12 વાગ્યા સુધી હજારથી વધુ ઈમરજન્સી કોલ આવ્યા હોવાનું સામે આવ્યું છે. ઉત્તરાયણના પર્વે અમદાવાદમાં અત્યાર સુધી 108 ઇમરજન્સી લાઈન પર 1 હજાર 355થી વધુ કોલ મળ્યા છે. મહત્વનું છે કે, ગયા વર્ષે 1 હજાર 196થી વધુ ઇમરજન્સી કોલ મળ્યા હતા. આજે દોરીના કારણે અકસ્માતના પગલે ઈમરજન્સી કોલ મળ્યા છે.