મધ્યપ્રદેશ: હાલ સોશિયલ મીડિયા પર એક વૃદ્ધાનો VIDEO ઘણો વાયરલ થઈ રહ્યો છે. આ વીડિયોમાં વૃધ્ધ મહિલા ટાઈપરાઈટર ચલાવી રહી છે. ટાઈપરાઈટર પર વૃદ્ધાની આંગળીઓ વીજળીની ગતિની માફક પડી રહી છે. જોકે આ વીડિયો મધ્યપ્રદેશના ઈન્દોરમાં રહેતા એક વૃદ્ધાનો છે. 72 વર્ષીય વૃદ્ધા ટાઈપિસ્ટનું કામ કરે છે.
આ ઉંમરે પણ તેમણે પોતાનો જુસ્સો અને હિંમત કાયમ રાખી છે. ત્યારે ભારતીય ક્રિકેટર વિરેન્દ્ર સહેવાગે પણ સોશિયલ મીડિયા પર વૃદ્ધાનો વીડિયો ટ્વીટ કર્યો છે અને વૃદ્ધાની પ્રશંસા કરતાં ટ્વિટ કર્યું કે આજના યુવાનો આ મહિલાથી ઘણું શીખી શકે છે.
A superwoman for me. She lives in Sehore in MP and the youth have so much to learn from her. Not just speed but the spirit and a lesson that no work is small and no age is big enough to learn and work. Pranam ! pic.twitter.com/n63IcpBRSH
લક્ષ્મીબાઈ શીખવે છે કે કોઈપણ કાર્ય નાનું નથી હોતું અને કોઇપણ ઉંમરે નવી ચીજવસ્તુ શીખી શકાય છે. લક્ષ્મીબાઈ નામની આ વૃદ્ધ મહિલા પોતાની દિવ્યાંગ દીકરી સાથે રહે છે. તેમના પતિએ દિવ્યાંગ દીકરી સાથે તેમને ઘરેથી કાઢી મુક્યા હતા. ત્યારબાદ તે ઈન્દોર સહકારી બજારમાં પેકિંગનું કામ કરતા હતા અને ત્યાં આસપાસના લોકો પાસેથી તે ટાઈપિંગ શિખ્યા હતા.
72 વર્ષીય આ મહિલા 2008થી શિહોર કલેક્ટર કચેરીમાં આવેદન ફરિયાદ સહિત અન્ય દસ્તાવેજો ટાઈફ કરે છે અને તેનાથી મળતી રકમથી પોતાનું અને દિવ્યાંગ દીકરીનું ભરણપોષણ કરે છે અને ઉંમરનો હવાલો આપનારી અન્ય મહિલાઓ અને સમાજને નવી દિશા આપનારા લક્ષ્મીબાઈએ પોતાની ઉંમર અને જીવન સંઘર્ષને પોતાની રોજગારીમાં અડચણરૂપ બનવા નથી દીધા.