ફરિયાદ / ઘરમાં 3 દીકરીઓ લગ્ન લાયક, 65 વર્ષીય પિતા ચોથા લગ્નની તૈયારીમાં, દીકરીએ પોલીસને કહ્યું, ‘સાહેબ મારા પિતાને સમજાવો’

• 65 વર્ષીય પિતા ચોથા લગ્ન કરવાની તૈયારીમાં
• ત્રણ બહેનો અને બે નાના ભાઈઓ છે
• પિતા 65 વર્ષના વુદ્ધે 25 વર્ષીય મહિલા સાથે લગ્ન કર્યા 

ગુરુવારે મોટી પુત્રી એસએસપી ઓફિસ પહોંચી હતી અને ફરિયાદ કરી હતી. તેણે કહ્યું કે પોલીસ  તેના પિતાની આવી હરકતોને કાબૂ મેળવે. પોલીસ પણ યુવતીની ફરિયાદ સાંભળીને થોડી વાર તો મુંઝવણમાં મુકાઈ હતી. જોકે પોલીસે તેને મદદ કરી હતી કેસની તપાસ હાથ ધરી હતી.

એસએસપી ઓફિસમાં ફરિયાદ નોંધાવવા આવેલી ચક મહેમૂદની દીકરીએ જણાવ્યું હતું કે તેની માતાનું અવસાન થઈ ગયું છે. તેઓ ત્રણ બહેનો અને બે નાના ભાઈઓ છે. તેની સાવકી માતા પણ તેની માતા પહેલા મૃત્યુ પામી છે. પિતા 65 વર્ષના છે, હવે તેણે બિહારની 25 વર્ષીય મહિલા સાથે લગ્ન કર્યા છે. પિતા હવે ચોથા લગ્ન માટે પ્રયત્ન કરી રહ્યા છે.

આરોપ છે કે પિતા તેના અને તેના બાકીના ભાઈ- બહેનોના લગ્ન નથી કરાવી રહ્યા. સંપત્તિમાં પણ ભાગ નથી આપી રહ્યા. ફરિયાદ સાંભળનારી સી.ઓ. ટુ સીમા યાદવે બારાદરી ઇન્સ્પેક્ટરને તપાસ કરી કાર્યવાહી કરવા સૂચના આપી છે.