તમે ફેસબુક અને ઇન્સ્ટાગ્રામ જેવા સોશિયલ મીડિયા પ્લેટફોર્મ પર જીવનસાથીની શોધ કરતા ઘણા લોકોને જોયા હશે, પરંતુ લાખો રૂપિયા આપીને બોયફ્રેન્ડ શોધવા જેવી વાત તમે ભાગ્યે જ સાંભળી હશે. બોયફ્રેન્ડની શોધ કરી રહેલી આ મહિલાની ઉંમર 57 વર્ષ છે.
57 વર્ષની મહિલા શોધી રહી છે પોતાના માટે બોયફ્રેન્ડ
બોયફ્રેન્ડ શોધવા હાયર કર્યો એક વ્યક્તિ
તેને આપશે 2 લાખ રૂપિયા
તમે એતો સાંભળ્યું જ હશે તે પ્રેમની કોઈ ઉંમર હોતી નથી કદાચ જોયું પણ હશે. દુનિયામાં એવા ઘણા લોકો છે જેમણે 50-60 વર્ષની ઉંમર વટાવ્યા પછી પણ લગ્ન કર્યા છે. લગ્નની વાત તો થઈ, પરંતુ ઘણા લોકો આ ઉંમરે પણ પ્રેમ શોધતા જોવા મળે છે. તમે આવા ઘણા કિસ્સાઓ જોયા હશે, જેમાં લોકો પોતાનાથી નાની મહિલાઓને ડેટ કરતા જોવા મળે છે.
પરંતુ આજકાલ એક એવી મહિલા વિશે ખૂબ ચર્ચા થઈ રહી છે, જેની ઉંમર હવે પૌત્ર-પૌત્રીઓને રમાડવાની છે પરંતુ આ ઉંમરે પણ તે બોયફ્રેન્ડની શોધમાં છે. એટલું જ નહીં મહિલાએ બોયફ્રેન્ડ શોધવાનો 'કોન્ટ્રાક્ટ' પણ આપ્યો છે. જી હા તમને આ વાત અજીબ લાગશે પરંતુ આ વાત સાચી છે.
બોયફ્રેન્ડ શોધવા આપશે લાખો રૂપિયા
તમે લોકોને ફેસબુક અને ઇન્સ્ટાગ્રામ જેવા સોશિયલ મીડિયા પ્લેટફોર્મ પર જીવનસાથીની શોધ કરતા ઘણા લોકોને જોયા હશે, પરંતુ લાખો રૂપિયા આપીને બોયફ્રેન્ડ શોધવા જેવી વાત તમે ભાગ્યે જ સાંભળી હશે. બોયફ્રેન્ડ શોધી રહેલી આ મહિલાનું નામ ઈસાબેલા એર્પિનો છે. 57 વર્ષની ઈસાબેલા લંડનના ઈસ્ટકોટની રહેવાસી છે.
3 બાળકોની માતા છે ઈસાબેલા
એક રિપોર્ટ અનુસાર ત્રણ બાળકોની માતા ઇસાબેલાના લગ્નને 23 વર્ષ થયા હતા, પરંતુ જ્યારે તેના લગ્ન જીવનમાં ભંગાણ પડ્યો ત્યારે તે એકલતા અનુભવતી હતી. આખરે કોઈક રીતે તેણે 4 વર્ષ પસાર કર્યા, પરંતુ તે પછી તેણે ડેટિંગ એપ પર પોતાના માટે પ્રેમ શોધવાનું શરૂ કર્યું, પરંતુ કદાચ તેની વૃદ્ધાવસ્થાના કારણે, તેને કોઈ જીવનસાથી મળી શક્યો નહીં.
એવામાં એક દિવસ તેણીએ સોશિયલ મીડિયા પ્લેટફોર્મ ટિકટોક પર રિલેશનશીપ કોચ જેકને જોયો. એટલું જ નહીં ઈસાબેલા પાસે પૈસાની કોઈ કમી નહોતી કારણ કે તે એક લક્ઝરી પ્રોપર્ટી ડેવલપર છે, તેણે ઝડપથી આ કામ જેકને સોંપી દીધું અને તેના બદલામાં તેણે જેકને 2 લાખ રૂપિયાની ફી પણ આપી.
આખરે મળ્યો બોયફ્રેન્ડ
હવે જેક માટે પણ આ સરળ કામ નહોતું, કારણ કે તેણે એ સ્ત્રી માટે બોયફ્રેન્ડ શોધવાનો હતો જે પોતે નાની બની ગઈ છે. જો કે ઘણા પ્રયત્નો પછી આખરે જેકને ઇસાબેલા માટે બોયફ્રેન્ડ મળી ગયો. જેકે ઈઆન નામના પોસ્ટમેન સાથે ઈસાબેલાનો પરિચય કરાવ્યો જેને તે ખૂબ પસંદ કરે છે. હવે ઈસાબેલા ઈયાનના વખાણ કરતાં થાકતી નથી. આ કપલ્સ હવે એકબીજા સાથે લગ્ન કરવાનું વિચારી રહ્યા છે.