કોરોના સંકટ / રાજકોટમાં વેક્સિન ન લેનાર 56 વર્ષીય આધેડનું કોરોનાથી મોત, અધિકારીઓએ કરી અપીલ

• રાજકોટ સિવિલમાં કોરોનાને કારણે આધેડનું મોત 
• આધેડે વેક્સિન ન લીધી હોવાનો આરોગ્ય અધિકારીનો ખુલાસો 
• અધિકારીઓએ લોકોને વેક્સિન લેવા માટે કરી અપીલ 

રાજકોટમાં કોરોનાની બીજી લહેર બાદ પરિસ્થિતી ઘણી સામાન્ય છે. હાલ શહેરમાં સંક્રમણ ઘણા અંશે કાબૂમા છે. જોકે તેમ છતા પણ હાલ શહેરમાં એક 56 વર્ષીય નાગરિકનું મોત થયુ છે. જેમા કોરોનાને કારણે તેમનું મોત થવાને કારણે લોકોમાં ભયનો માહોલ ફેલાયો છે. કારણકે છેલ્લા ઘણા સમય બાદ અહિયા કોરોનાને કારણે કોઈ દર્દીનું મોત થયું છે. 

મૃતક આધેડે વેક્સિન નહોતી લગાવી 

મૃતક આધેડની સારવાર રાજકોટની સિવિલ હોસ્પિટલમાં ચાલી રહી હતી. જેમા સારવાર દરમિયાન તેમનું મોત નિપજ્યું છે. જોકે સૌથી મોટી વાત એ છે કે મૃતકે કોરોનાની વેક્સિન નહોતી લગાવી. જોકે તેણે વેક્સિન લગાવી હોત તો શક્ય છે, કે તે બચી પણ શકતા પરંતુ બેદરકારી તેમની ભારે પડી છે.

વેક્સિન લેવા માટે લોકોને અપીલ 

છેલ્લા એક સપ્તાહથી આધેડ સારવાર હેઠળ હતા. પરંતુ સારવાર દરમિયાન તેમનું મોત નિપજ્યું છે. જેથી આ મોત બાદ આરોગ્ય અધિકારી દ્વારા તમામ લોકોને રસી લેવા માટે અપીલ કરવામાં આવી છે. 

ઓમિક્રોનને લઈને ભયનો માહોલ 

ઉલ્લેખનીય છે કે હાલ ગુજરાત સહિત દેશભરમાં ઓમિક્રોનને લઈને ભયનો માહોલ ફેલાયો છે. મોટચા ભાગના શહેરમાં તંત્ર એલર્ટ મોડમાં આવી ગયું છે. જેમા ખાસ કરીને બહારથી આવતા લોકો માટે નિયમો ફરજિયાત કરી દેવામાં આવ્યા છે. જેમા બહારથી આવતા લોકોનો RT-PCR ટેસ્ટ કરાવામાં આવશે સાથેજ તેમને 7 દિવસ માટે ક્વોરન્ટાઈન પણ થવાનો આદેશ આપવામાં આવ્યો છે. ઉપરાંત ક્વોરન્ટિન સમયગાળો પતે ત્યારબાદ પણ વેક્સિન લેવા અપીલ કરવામાં આવી છે.