ભાવનગરમાં ખાનગી પેઢીમાં કામ કરતી યુવતીએ તેના જ માલિકને હનીટ્રેપમાં ફસાવ્યો હતો. ભેજાબાજ યુવતીએ પોતાના પ્રેમી સાથે મળીને માલિક પાસેથી રૂપિયા ખંખેરી લીધા હતા.
ભાવનગરના 51 વર્ષીય આધેડ બન્યો હની ટ્રેપનો શિકાર
ખાનગી પેઢીમાં કામ કરતી યુવતીએ પેઢીના માલિકને જ બનાવ્યો શિકાર
યુવતીએ તેના પ્રેમી સાથે મળીને પેઢી માલીક પાસેથી રૂપિયા ખંખેર્યા
હનીટ્રેપનો વધુ એક કિસ્સો ભાવનગરમાં સામે આવતા ચકચાર મચી જવા પામી છે. ભાવનગરમાં એક 51 વર્ષીય આધેડ હનીટ્રેપનો શિકાર બન્યા છે. જેમાં એક ખાનગી પેઢીમાં કામ કરતી યુવતીએ તેના પ્રેમી સાથે મળી પોતાની જ પેઢીના માલિકને હનીટ્રેપમાં ફસાવ્યા હોવાનું બહાર આવતા ચકચાર મચી જવા પામી હતી. આરોપીઓએ 1 કરોડ હડક કરી લીધા બાદ પણ વધુ 25 લાખ રૂપિયાની માંગ કરી હતી.
ભાવનગરમાં ખાનગી પેઢીમાં કામ કરતી યુવતીએ માલિકને ફસાવ્યો હનીટ્રેપમાં, ફરિયાદ નોંધાતા યુવતીની ધરપકડ, એક કરોડથી વઘારે રકમ આપવા છતાં વધુ 25 લાખની કરી હતી માંગણી, કોર્ટે યુવતીના 5 દિવસના રીમાન્ડ કર્યા મંજૂર#bhavnagar#crime#gujarat#gujaratpolicepic.twitter.com/IaIavslu3z
— VTV Gujarati News and Beyond (@VtvGujarati) March 23, 2023
માલિક પાસેથી યુવતીએ એક કરોડથી વઘુ રૂપિયા ખંખેર્યા
રાજ્યમા હનીટ્રેપના કિસ્સાઓમાં ચિંતાજનક ઉછાળો આવી રહ્યો છે. આવી સ્થિતિ વચ્ચે શહેરના કાલ્વિબીડ વિસ્તારમાં રહેતા એક વિપ્ર સમાજના આધેડને ફસાવ્ચોંયાનો કાવનારો કિસ્સો પ્રકાશમાં આવ્યો છે.રૂપિયા હડપ કરી જવાબ ઇરાદે આરોપીઓએ બળાત્કારનો ગુનો દાખલ કરવાની ધમકી આપી હતી. બાદમાં એક કરોડ રૂપિયા પણ પડાવી લીધા હતા. છતાં પણ રૂપિયાની ઉઘરાણી કરી માનસિક ત્રાસ શરૂ રાખ્યું હતું. માલિકને બ્લેકમેલ કરીને યુવતી ફરીયાદ કરવાની ધમકી અપાતી હતી. અંતે માલિક કંટાળી જતા મામલો પોલીસ મથકે પહોંચ્યો હતો.
પોલીસે આ મામલે આરોપી યુવતીની ધરપકડ કરી વધુ કાર્યવાહી હાથ ધરી હતી
આ અંગે નીલમબાગ પોલીસ મથકમાં ફરિયાદ કરાતા પોલીસે આરોપી યુવતી સહિત તેના મિત્ર સામે ગુનો નોંધી તપાસનો ધમધમાટ શરૂ કર્યો હતા. આ દરમિયાન યુવતી પોલીસ ઝપટે ચડતા પોલીસે તેને પકડી પાડી અને રિમાન્ડ માટે કોર્ટમાં રજુ કરાઈ હતી. જેમાં પોલીસે પાંચ દિવસના રિમાન્ડ મંજૂર કર્યા હોવાનું જાણવા મળી રહ્યું છે. બીજી બાજુ આરોપી યુવાન હજુ સુધી પોલીસ પકડથી દૂર રહેતા પોલીસે તેને પકડી પાડવા તપાસ કર્યા છે