જાપાનમાં આગલા વર્ષે ઓલમ્પિકનું આયોજન કરવામાં આવશે. જેનું મુખ્ય સ્ટેડીયમ બનીને તૈયાર થઇ ગયું છે. જેમાં 87 ટકા લાકડાનો જ ઉપયોગ કરવામાં આવ્યો છે. આ લાકડા જાપાનનાં તે 47 પ્રાંતમાંથી લાવવામાં આવ્યા છે.
સ્ટેડીયમની બધી જ લાઈટ સોલર એનર્જીથી ચાલશે
10 હજાર કરોડમાં તૈયાર કરાયું સ્ટેડીયમ
ગરમી થી બચવા આઠ સ્થાનો કુલીંગ ઝોન બનાવાયા
સ્ટેડીયમ કુલ પાંચ માળનું, 60 હજાર દર્શકો બેસી શકે તેવી વ્યવસ્થા
સ્ટેડીયમ માટે લાકડા જે જંગલમાંથી લાવવામાં આવ્યા છે તે 2011માં સુનામીમાં તબાહ થઇ ગયાં હતાં. જેનો મુખ્ય ઉદ્દેશ છે કે દર્શકૉ પ્રકૃતિથી જોડાયેલા રહે અમે ગરમીનો અનુભવ ન થાય. સ્ટેડીયમમાં 185 મોટા પંખા અને આઠ કૂલિંગ ઝોન બનાવવામાં આવ્યા છે. આ સ્ટેડીયમમાં 60 હજાર દર્શકો બેસી શકે તેવી વ્યવસ્થા કરવામાં આવી છે. સ્ટેડીયમ કુલ પાંચ માળનું છે જેને બનાવવામાં કુલ 10 હજાર કરોડનો ખર્ચ કરવામાં આવ્યો છે.
ઈ-વેસ્ટમાંથી બનેલાં પાંચ હજાર મેડલ આપવામાં આવશે
આવતાં વર્ષે પહેલી જાન્યુઆરીના રોજ પહેલી ટૂર્નામેન્ટ એંપરોર ફૂટબોલ કપ રમવામાં આવશે. ટોક્યો ઓલમ્પિકનું આયોજન 24 જુલાઈથી 9 ઓગસ્ટ સુધી કરવામાં આવશે. સ્ટેડીયમની ડીઝાઈન જાપાનનાં આર્કિટેક્ટ કેંગો કુમાએ તૈયાર કરી છે.
આટલું જ નહીં આખા ઓલમ્પિક દરમિયાન વિવિધ રીતે પર્યાવરણનું ધ્યાન રાખવામાં આવશે. રીયુઝડ અને રીસાઈકલ વસ્તુઓનો વધુમાં વધુ ઉપયોગ કરવામાં આવી રહ્યો છે. ઈ-વેસ્ટમાંથી બનેલાં પાંચ હજાર મેડલ આપવામાં આવશે. સ્ટેડીયમની બધી જ લાઈટ સોલર એનર્જીથી ચાલશે.