ગુજરાતમાં છેલ્લા ઘણાં સમયથી યુવાનોમાં હાર્ટ એટેકની ઘટનાઓ વધી રહી છે. ત્યારે 24 કલાકમાં હાર્ટ એટેકથી મોરબી, સુરત બાદ હવે રાજકોટમાં મોત થયાની ત્રણ ઘટના સામે આવી છે.
સુરતમાં 42 વર્ષીય યુવકને હાર્ટ એટેક આવતા મોત
24 કલાકમાં હાર્ટ એટેકથી મોરબી, સુરત અને રાજકોટમાં મોત
કોવિડ બાદ અન્ય બીમારીઓનું પ્રમાણ વધ્યું છેઃ ર્ડા. યોગેશ ગુપ્તા
સુરતનાં ઉધનાં વિસ્તારમાં એક યુવક અચાનક બેભાન થઈને ઢળી પડ્યો હતો. ત્યારે આ ઘટનાની જાણ આજુબાજુ રહેલ લોકોને થતા મોટી સંખ્યામાં લોકો એકઠા થઈ ગયા હતા. યુવકને તાત્કાલી આજુબાજુનાં લોકો દ્વારા સારવાર અર્થે ખસેડાતા તબીબે યુવકને મૃત જાહેર કર્યો હતો. ત્યારે 42 વર્ષીય યુવકને હાર્ટ એટેક આવ્યો હતો. આ સમગ્ર ઘટના CCTV માં કેદ થઈ ગઈ હતી.
યુવકનું અકાળે અવસાન થતાં પરિવાર પર માતમ છવાઈ ગયો
મળતી માહિતી અનુસાર, રાજકોટમાં હાર્ટ એટેકથી 19 વર્ષીય યુવકનું મૃત્યુ નિપજ્યું છે. 19 વર્ષીય આદર્શ સાવલિયા નામનો યુવક બાથરૂમમાં અચાનક ઢળી પડ્યો હતો. જે બાદ પરિવારજનો તેને લઈને તાત્કાલિક સિવિલ હોસ્પિટલ ખાતે પહોંચ્યા હતા. જ્યાં ફરજ પર હાજર ડોક્ટરોએ તેને મૃત જાહેર કર્યો હતો. જે બાદ યુવકનું હાર્ટ એટેકથી મોત થયું હોવાનું તબીબોએ જણાવ્યું હતું. યુવકના અવસાનથી પરિવારની માથે શોકનું મોજું ફરી વળ્યું છે. યુવકનું અકાળે અવસાન થતાં પરિવાર પર માતમ છવાઈ ગયો છે.
કોવિડ બાદ અન્ય બીમારીઓનું પ્રમાણ વધ્યું છેઃ ર્ડા. યોગેશ ગુપ્તા
આ બાબતે અમદાવાદના જાણીતા ડોકટર ડો.યોગેશ ગુપ્તાએ જણાવ્યું હતું કે, કાર્ડિયર્ક એટેક આવી રહ્યા છે,જેમાં હૃદય ધબકતું બંધ થઈ જાય છે. વિકસિત દેશોમા ફક્ત કાર્ડિયાક એટેકના CPR કારણે જીવ બચી શકે છે.કોવિડ બાદ અન્ય બીમારીઓનું પ્રમાણ વધ્યું છે. બિમારી અંગે જાગૃતિ ખૂબ જ જરૂરી છે. લાઈફસ્ટાઈફ પણ સતત બદલાવ કારણે હાર્ટ એટેકના કેસો બની રહ્યા છે. હવે લાઇફસ્ટાઇલ કારણે નાની ઉંમરના વ્યક્તિ કેસો વધ્યા છે. પરંતુ વિદ્યાર્થીના સિલેબસમાં પણ જાગૃતિ અંગેનો અભ્યાસ ખૂબ જ જરૂરી છે. કેમકે વિકસિત દેશોમાં અભ્યાસક્રમમાં સમાવેશ કરીને જાગૃતિ આપવા આવી રહી છે.