વડોદરા / 14 વર્ષની કિશોરી સાથે દુષ્કર્મ આચરનારો 30 વર્ષનો યુવક ઝડપાયો, આ રીતે ભાંડો ફૂટ્યો

• વડોદરામાં કિશોરી સાથે દુષ્કર્મ આચરનાર યુવક ઝડપાયો
• કિશોરી સાથે મિત્રતા કેળવી બળજબરીથી દુષ્કર્મ આચર્યું 
• બદનામીના ડરથી કિશોરી રહી ચૂપ

વડોદરામાં કિશોરી સાથે દુષ્કર્મ આચરનાર યુવક ઝડપાયો છે. કિશોરી સાથે મિત્રતા કેળવી વારંવાર દુષ્કર્મ આચરતો હતો. જોકે કિશોરીને ગર્ભ રહી જતા ભાંડો ફૂટી ગયો હતો. મહત્વનું છે કે દરગાહ પર ભરાતા મેળામાં બહેનપણીઓ સાથે ફરવા ગયેલી કિશોરીને અઝીમુદીન બદરૂદ્દીન સૈયદ સાથે ઓળખાણ થઇ હતી. અને બાદમાં બન્ને વચ્ચે મિત્રતા બંધાઇ હતી આઠ મહિના પહેલા અઝીમુદીન ફરવાના બહાને 14 વર્ષની કિશોરીને આજવાની હોટલમાં લઇ ગયો હતો. જ્યાં કિશોરી સાથે બડજબરીપૂર્વક શારીરિક સંબંધ બાંધ્યો હતો. 

આ રીતે ભાંડો ફૂટ્યો

યુવતીના મૌન અને ડરનો ફાયદો આ નરાધમ ઉઠાવતો હતો. પરંતુ યુવતીને લાંબા સમયથી પિરિયડ ન આવતા તે ચિંતામાં આવી ગઈ હતી. જે બાદ તેણે પોતાના પરિવારમાં સમગ્ર વાતનો ખુલાસો કર્યો હતો. આ બાદ કિશોરીનું મેડિકલ ચેકઅપ પણ કરાવાયું. અને 32 અઠવાડિયાનો ગર્ભ હોવાનો રિપોર્ટ દ્વારા ખુલાસો થયો હતો. આ બાદ પરિવારે પોલીસમાં ફરિયાદ પણ નોંધાવી હતી. પોલીસે આ બાદ અઝીમુદ્દીનની ધરપકડ કરીને કોરોના ટેસ્ટ કરાવ્યો હતો. કોરોના ટેસ્ટ નેગેટિવ આવતા તેની ધરપકડ કરાઈ હતી.