ગૌરવ / UNમાં ગુજરાતીની બોલબાલા: અમદાવાદની HB કાપડિયામાં ભણેલા યુવકે મહત્વપૂર્ણ મુદ્દા પર કર્યું સંબોધન

• 26 વર્ષના અમદાવાદી યુવકનો UNમાં ડંકો
• UNમાં ગુજરાતી યુવકે ભારતનું કર્યું પ્રતિનિધિત્વ
• કૃણાલ શાહે વર્લ્ડ ઇકોનોમિક ફોરમમાં કર્યું સંબોધન 

26 વર્ષના અમદાવાદી યુવકે યુએનમાં ડંકો વગાડ્યો છે. આંતરરાષ્ટ્રીય સ્તરે ભારતનું પ્રતિનિધિત્વ કરવા વર્લ્ડ ઈકોનોમિક ફોરમ દ્વારા ગુજરાતમાંથી અમદાવાદના કૃણાલ શાહની પસંદગી કરાઈ હતી. તેમણે સ્વીટ્ઝર્લેન્ડના જીનિવા ખાતે યુએન હેડ ક્વાર્ટરમાં કોન્ફરન્સને સંબોધી. 

અમદાવાદી યુવક કૃણાલ શાહે વગાડ્યો ડંકો
જેમાં તેમણે ક્લાઈમેન્ટ ચેન્જ, યુવાનો માટે સ્કિલ જેવા મુદ્દાઓ પર સંબોધન કર્યું હતું. સંયુક્ત રાષ્ટ્રમાં સંબોધન કરીને કૃણાલ શાહે ડંકો વગાડ્યો છે. આપને જણાવી દઈએ કે, યુનાઈટેડ નેશન્સની બેઠકમાં 150 દેશના 500 યુવાઓની પસંદગી કરવામાં આવી હતી. જેમાંથી ભારતમાંથી 30 યુવાઓની પસંદગી થઈ હતી અને ગુજરાતમાંથી માત્ર અમદાવાદના કૃણાલ શાહની પસંદગી કરવામાં આવી હતી. કૃણાલ શાહ 5 દિવસની કોન્ફરન્સમાં ભાગ લેવા જીનેવા ગયા હતા.

સામાજિક કાર્યમાં ધરાવે છે રસ કૃણાલ શાહ  
અમદાવાદના કૃણાલ શાહ 2020થી વર્લ્ડ ઈકો. ફોરમમાં યુથ એડવાઈઝરી બોર્ડ મેમ્બર છે. કુણાલ શાહ પહેલાથી સામાજિક કાર્યમાં રસ ધરાવે છે. વર્લ્ડ ઇકોનોમિક ફોરમમાં પણ તેમને રસ હોવાથી તેમને એપ્લાય કર્યું હતું. તેમણે યુવાઓ માટે સ્કિલ, મેન્ટલ હેલ્થ અને ક્લાઈમેન્ટ ચેન્જ પર કામ કર્યું હતું. જેના કારણે વર્લ્ડ ઇકોનોમિક ફોરમમાં તેની પસંદગી થઈ હતી.

કોણ છે કૃણાલ શાહ?
- અમદાવાદના મેમનગરમાં પરિવાર સાથે રહે છે કૃણાલ શાહ 
- તેમણે ધોરણ 1થી 12 સુધીનો અભ્યાસ મેમનગરની એચ.બી કાપડિયા સ્કૂલમાંથી કર્યો છે.
- બીકોમ અને એમકોમનો અભ્યાસ એસ.એમ.પી. કોલેજમાંથી કર્યો છે.
- યુનિવર્સિટી ઓફ ઓક્સફર્ડમાંથી સોશિયલ એન્ટરપ્રિન્યોરશિપનો અભ્યાસ છે.
- તેમને વર્લ્ડ ઇકોનોમિક ફોરમમાં રસ હોવાથી તેમણે એપ્લાય કર્યું હતું. 
- અમદાવાદના કૃણાલ શાહે યુવાઓ માટે સ્કિલ, મેન્ટલ હેલ્થ અને ક્લાઈમેન્ટ ચેન્જ પર કામ કર્યું હતું.
- જેના કારણે વર્લ્ડ ઇકોનોમિક ફોરમમાં તેમની પસંદગી કરવામાં આવી હતી.