લોકો પાસે નેતા પહોંચ્યા / સુરતમાં AAPના 22 વર્ષના કોર્પોરેટરે લોકોના ઘરે-ઘરે જઈને માગ્યું કામ અને પૂછી સમસ્યા, VIDEO VIRAL

• સુરતમાં કોર્પોરેટરો માટે શીખ લેવા જેવી બાબત
• ચૂંટાયા બાદ નથી દેખાતા કોર્પોરેટરો
• AAPના કોર્પોરેટરો ઘરે ઘરે જઇ માંગી રહ્યા છે કામ

સુરતમાં આમ આદમી પાર્ટીના 27 ઉમેદવારની જીત સાથે કોર્પોરેશનમાં વિરોધ પક્ષ મજબૂત બનતું દેખાય છે. ત્યારે AAPના કોર્પોરેટર હવે ઘરે-ઘરે જઈને કામ માગી રહ્યા છે. લોકોના કામ કરવા માટે લોકોને નેતાઓના ઘરે ધક્કાઓ ખાવા પડે છે. પરંતુ આ પહેલી ઘટના હશે જ્યાં...કોર્પોરેટર્સ સામેથી કામ માગવા જઈ રહ્યા છે. સુરતના અલગ-અલગ વોર્ડમાં આમ આદમી પાર્ટીના કોર્પોરેટર્સ પહોંચ્યા હતા. જ્યાં લોકોની શું સમસ્યા છે. અને તેના કયા કામ અટકી રહ્યા છે. તે મુદ્દે સામેથી લોકો પાસે પહોંચ્યા છે. 

સુરતમાં સૌથી નાની ઉંમરના કોર્પોરેટર પાયલ સાકરિયા પણ વોર્ડ-16મા લોકો પાસે લોકોની સમસ્યાનું નિવારણ લાવવા પહોંચ્યા હતા. ચૂંટાયા બાદ તો કોર્પોરેટર્સ દેખાતા નથી. ત્યારે કોર્પોરેટર પાયલ સાકરિયા લોકો પાસે પહોંચ્યા છે. વિસ્તારમાં આવતી સોસાયટીમાં ઘરે ઘરે જઇ લોકોને મળ્યા હતા. ઘરે ઘરે પહોંચી લોકોની સમસ્યા સાંભળી રહ્યા છે.