2 નવેમ્બરે બોલીવૂડના બાદશાહ શાહરૂખ ખાનનો જન્મદિવસ હતો. આ વર્ષે તે 56 વર્ષનો થયો. ત્યારે શાહરૂખે 20 વર્ષ જૂની પરંપરા તોડી દીધી છે.
શાહરૂખ ખાને 20 વર્ષ જૂની પરંપરા તોડી
મન્નત બહાર ફેન્સનો જમાવડો જોવા મળ્યો
શાહરૂખ પોતાન ઘરની બહાર આવ્યો જ નહી
મન્નત પર ફેન્સનો જમાવડો
બર્થડેના દિવસે શાહરૂખની એક ઝલક જોવા માટે લોકો એક રાત પહેલાથી જ મન્નતની સામે ઉભા રહી જાય છે પરંતુ 2 તારીખે સવાર પડી બપોર થઇ અને સાંજ થઇ તેમ છતાં શાહરૂખ બાલ્કનીમાં આવ્યો નહી. છેલ્લા 20 વર્ષથી તે દર જન્મદિવસ પર ફેન્સને મળવા ટેરેસ કે બાલ્કનીમાં આવે છે પરંતુ આ વર્ષે તેવું થઇ શક્યું નહી.
20 વર્ષ જૂની પરંપરા તોડી
2 નવેમ્બરની અડધી રાાત્રે ફેન્સ પોતાના ફેવરિટ સ્ટારના મકાનની બહાર ઉભા હતા પરંતુ ના તો શાહરૂખ ખાન દેખાયો કે ના સોશ્યલ મીડિયા પર કોઇ પોસ્ટ લખી હતી. ઘરમાં કે બહાર પણ કોઇ પ્રકારની પાર્ટી નહોતી. શાહરૂખે પોતાના જન્મ દિવસ પર 20 વર્ષ જૂની પરંપરા તોડી દીધી છે.
દર વર્ષે બાલ્કની પર આવે છે શાહરૂખ
અત્યાર સુધી એવું ક્યારેય નથી બન્યું કે શાહરૂખનો જન્મદિવસ હોય અને તે બાલ્કનીમાં આવ્યો ન હોય. તે હાથ હલાવીને અને હાથ જોડીને ફેન્સને થેન્ક્યુ કહેતો હોય છે. આ વખતે ફેન્સ શાહરૂખની ઝલક જોયા વગર જ નિરાશ થઇને ઘરે જતાં રહ્યાં હતા. મન્નત બહાર પેપરાઝીનો જમાવડો હતો પરંતુ શાહરૂખ ખાન બહાર આવ્યો જ નહી.
આર્યન ખાન કેસની અસર
છેલ્લા થોડા સમયથી શાહરૂખ અને તેનો પરિવાર તણાવમાંથી ગુજરી રહ્યો છે. 2 ઓક્ટોબરના રોજ આર્યન ખાનની ધરપકડ કરવામાં આવી હતી અને તેને 27 દિવસ સુધી જેલમાં રાખવામાં આવ્યો હતો. આર્થર રોડ જેલમાં આટલા દિવસ વિતાવ્યા બાદ આર્યનને જામીન મળ્યા હતા. આર્યનની જામીન અરજી ઘણીવાર રિજેક્ટ થઇ હતી અને દિવાળી પહેલા આર્યનને છોડાવવા શાહરૂખે એડી ચોટીનું જોર લગાવ્યું હતું. ત્યારે આર્યનને જામીન મળ્યા હતા અને તેને ઘરે જવાં મળ્યું હતું.