પ્રશાંત નીલની ફિલ્મ KGF 2ને 19 વર્ષના ટીનેજર ઉજ્જવલ કુલકર્ણીએ એડિટ કરી છે.
KGF 2નું એડીટિંગ 19 વર્ષનાં ટીનેજર ઉજ્જવલ કુલકર્ણીએ કર્યું છે
શોર્ટ ફિલ્મ એડિટ કરતો હતો ઉજ્જવલ કુલકર્ણી
KGF 2 મચાવી રહી છે બોક્સ ઓફિસ પર ધમાલ
સાઉથ ઇન્ડિયન ફિલ્મ KGF 2 આજકાલ ખૂબ જ ચર્ચાઓમાં છે. આ ફિલ્મનાં VFX અને એડીટિંગને લોકો ખૂબ જ પસંદ કરી રહ્યા છે. એક સફળ ફિલ્મને બનાવવામાં ઘણા અનુભવી લોકોની જરૂર હોય છે. તમને જાણીને નવાઈ લાગશે કે KGFનું એડીટિંગ ટીનેજરે કર્યું છે અને હવે ફેન્સ તેના વિષે જાણવા માટે ઉત્સુક છે.
ઉજ્જવલ કુલકર્ણીને મળી જવાબદારી
19 વર્ષનાં શોર્ટ ફિલ્મ એડિટરે KGF 2નું એડીટિંગ કર્યું છે. આ એડિટરનું નામ ઉજ્જવલ કુલકર્ણી છે, જે શોર્ટ ફિલ્મો એડિટ કરે છે. જયારે પ્રશાંત નીલને ઉજ્જવલનાં કામ વિષે જાણ થઇ, તો તેઓ તેના કામથી ઘણા ખુશ થયા અને KGF 2 સાથે જોડાયેલ એક મહત્વનો નિર્ણય લેતા, તેણે ઉજ્જવલ કુલકર્ણીને એડીટિંગની જવાબદારી આપી.
પહેલા જ પ્રોજેક્ટમાં જેકપોટ
ઉજ્જવલ માટે આ મોટો પ્રોજેક્ટ હતો, જેમાં તેણે કામ કર્યું અને તેની મહેનત વખાણવા લાયક છે. ઉજ્જવલ કુલકર્ણી આ પહેલા શોર્ટ ફિલ્મો અને યૂટ્યુબ પર ફેન મેડ મૂવીઝ એડિટ કર્યા કરતા હતા. રિપોર્ટ અનુસાર, ડાયરેક્ટર પ્રશાંત નીલએ KGF 2ને પહેલા આખું શૂટ કર્યું હતું અને ત્યાર બાદ ઉજ્જવલે પોતાની એડીટિંગ સ્કિલ્સ બતાવતા તેનું ટ્રેલર બનાવ્યું અને પ્રશાંતને બાતાવ્યું હતું. ઉજ્જવલનાં કામથી પ્રશાંત નીલ એટલા ઈમ્પ્રેસ થઇ ગયા, કે તેમણે પોતાની આખી ફિલ્મ તેને જ એડિટ કરવાની તક આપી.
KGF 2
બોક્સ ઓફિસ કલેક્શનની વાત કરીએ તો KGF 2એ દુનિયાભરમાં 600 કરોડનો આંકડો પાર કર્યો છે. આ ફિલ્મની કમાણી ઘણી સારી થઇ રહી છે. ફિલ્મના હિંદી વર્ઝનને પણ ઘણું પસંદ કરવામાં આવી રહ્યું છે. આ ફિલ્મમાં યશ અને સંજય દત્ત વચ્ચે ટક્કર જોવા મળે છે. આ ઉપરાંત, રવિના ટંડન, શ્રીનિધિ શેટ્ટી જેવા સ્ટાર્સ પણ જોવા મળે છે. આ સંજય દત્તની પહેલી સાઉથ ફિલ્મ છે.