ક્રૂરતા / વડોદરા: ટ્યુશન જતી 19 વર્ષની દીકરીની તીક્ષ્ણ હથિયારથી હત્યા, હાથ કાપી નાંખ્યો, એકતરફી પ્રેમ હોવાનું અનુમાન 

• સંસ્કારી નગરી વડોદરામાં મહિલાઓ નથી સુરક્ષિત
• એક તરફી પ્રેમમાં હત્યા થયાનું પ્રાથમિક અનુમાન
• પોલીસની સ્પર્ધાત્મક પરીક્ષાની કરતી હતી તૈયારી

સંસ્કારી નગરી વડોદરામાં મહિલાઓ નથી સુરક્ષિત

વડોદરા શહેરમાં જાંબુવા બ્રિજ નજીક 19 વર્ષીય યુવતીની ઘાતકી હત્યા કરવામાં આવી છે. યુવતીની હત્યા બાદ મૃતદેહ ફેંકી દેવાયો હતો.મહત્વનું છે કે, યુવતી આર્યન રેસિડેન્સીમાં મામાને ત્યાં રહેતી હતી. અને ત્યાંથી પોલીસની સ્પર્ધાત્મક પરીક્ષાની તૈયારી કરતી હતી.યુવતી ટ્યુશન જવા માટે નીકળી હતી.ત્યારે રાત્રે અંધારાનો લાભ લઇને યુવતીની હત્યા કરવામાં આવી છે.

એક તરફી પ્રેમમાં હત્યા થયાનું પોલીસનું પ્રાથમિક અનુમાન

જો કે બાજુના ખેતરમાં ખેતમજૂરો યુવતીની બુમો સાંભળી દોડી આવ્યા હતા. જેને લઈને હત્યારો ત્યાંથી ભાગી ગયા હતા. એક વ્યક્તિને ભાગતા શ્રમિકોએ જોયો હતો.એક તરફી પ્રેમમાં હત્યા થયાનું પોલીસનું પ્રાથમિક અનુમાન છે.જ્યારે પોલીસે યુવતી સાથે દુષ્કર્મ થયાની આશંકાએ તપાસ શરૂ કરી છે.ઘટનાસ્થળેથી મળેલા આધારકાર્ડમાં યુવતી મૂળ પંચમહાલ જિલ્લાની હોવાનું ખૂલ્યું છે.

પોલીસે હત્યાના મામલે એક શખ્સની અટકાયત કરી 

બીજી બનાવની જાણ થતાં પોલીસના ઉચ્ચ અધિકારીઓ તાત્કાલિક ઘટના સ્થળે દોડી ગયાં વધુ તપાસ હાથ ધરી હતી. પોલીસ સુત્રોના જણાવ્યા અનુસાર હાલ યુવતીના હત્યાના મામલે એક યુવકની અટકાયત કરવામાં આવી છે. અને ટૂંક સમયમાં એક પ્રેસ કોન્ફરન્સ કરીને આ અંગે જાણકારી આપશે  

રાજ્યમાં દીકરીઓ પર થતા હુમલા ચિંતાનો વિષય

થોડાંક દિવસો પહેલાં સુરત ખાતે ફેનીલે એક તરફી પ્રેમમાં ગ્રીષ્મા નામની યુવતીનું જાહેરમાં ગળું કાપી નાંખી હત્યા કરી હતી. ત્યારબાદે રાધનપુરમાં વિધર્મી યુવકે એક તરફી પ્રેમમાં યુવતીના ઘરમાં ઘુસી હુમલો કર્યો હતો.