છત્તીસગઢના બેમેતરામાં એક ભારે ચોંકાવનારી ઘટનાએ ચકચાર જગાવી છે જેની પર વાલીઓ ધ્યાન આપવાની જરુર છે.
છત્તીસગઢના બેમેતરાની ભારે ચોંકાવનારી ઘટના
12મા ધોરણના છોકરાને લાગી પોર્ન વીડિયો જોવાની આદત
10 વર્ષની સગીર છોકરીને રેપ બાદ મારી નાખી
પોર્ન જોઈને સગીરા પર રેપ અને તેની હત્યાનો વધુ એક બનાવ બન્યો છે. આ બનાવ વાલીઓની ઊંઘ ઉડાડવા પૂરતો છે. સસ્તા મોબાઈલ ડેટાને કારણે યુવાધન અવળે રસ્તે ચડી ગયું છે અને કૂમળી વયના છોકરાઓ પર ખોટી અસર પડી રહી છે. ત્યારે છત્તીસગઢના બેમેતરામાં 12મા ધોરણમાં ભણતા છોકરાએ પોર્ન વીડિયો જોઈ જોઈને 10 વર્ષની છોકરી પર રેપ કર્યો એટલું જ નહી પરંતુ પકડાઈ જવાની બીકે છોકરીને મારી પણ નાખી. 10 વર્ષની છોકરી પર રેપ અને હત્યાના આરોપસર પોલીસે છોકરાની ધરપકડ કરી છે. પોલીસના જણાવ્યા અનુસાર આરોપીએ કબૂલાત કરી હતી કે, તે પોર્ન વીડિયો જોતો હતો. પોલીસે શનિવારે જણાવ્યું હતું કે, મોબાઇલ ફોન પર અશ્લીલ વીડિયો જોયા બાદ 26 નવેમ્બરે આરોપી છોકરો પડોશમાં રહેતી સગીરાના ઘરમાં ઘુસ્યો, દુર્ભાગ્યે તે દિવસે ઘરમાં સગીરા સિવાય કોઈ હાજર નહોતું અને તેને કાળા કામ કરવાનો લાગ મળી ગયો અને ત્યાર બાદ તેણે કુકર્મ આચર્યું હતું.
Chhattisgarh | A 17-yr-old boy raped & murdered a 10-yr-old girl in Bemetara district. Case filed under POCSO & other sections of IPC. Accused confessed that he used to watch porn videos & raped the minor girl & then murdered her fearing getting caught: AS Bhardawaj, PS-incharge
પોલીસ અધિકારીઓએ જણાવ્યું કે, 26 નવેમ્બરે પોલીસને માહિતી મળી હતી કે સગીરાએ પોતાના ઘરમાં જ ગળે ફાંસો ખાઇને આત્મહત્યા કરી લીધી છે. જાણકારી બાદ પોલીસની ટીમને ઘટના સ્થળે મોકલી દેવામાં આવી હતી. પોલીસ ટીમે બાળકીની લાશને બહાર કાઢી પોસ્ટમોર્ટમ માટે મોકલી આપી હતી પરંતુ પોસ્ટ મોર્ટમ રિપોર્ટમાં જે સામે આવ્યું તેનાથી પોલીસ ચોંકી ઉઠી હતી.
છોકરાએ ગુનો કબૂલી લીધો
પોલીસે જણાવ્યું હતું કે પોસ્ટ મોર્ટમ રિપોર્ટમાં સગીરા સાથે બળાત્કાર થયો હોવાનું બહાર આવ્યું છે. આ પછી હત્યાનો ગુનો નોંધીને આ કેસમાં તપાસ શરૂ કરવામાં આવી હતી. તપાસ દરમિયાન પોલીસને પડોશના છોકરા પર શંકા ગઈ હતી અને તેની પૂછપરછ કરી હતી બાદમાં છોકરાએ ગુનો કબૂલી લીધો હતો.
મોબાઈલમાં પોર્ન વીડિયો જોઈને પડોશી સગીરાના ઘરમાં ઘુસ્યો
પૂછપરછ દરમિયાન છોકરાએ પોલીસને જાણ કરી હતી કે તેને મોબાઇલ પર અશ્લીલ વીડિયો જોવાની લત લાગી ગઇ છે. તેણે કહ્યું કે 26 તારીખે તેણે મોબાઈલમાં ઘણા પોર્ન વીડિયો જોયા હતા અને તેની પર વાસનાનું ભૂત સવાર થયું હતું અને આવી સ્થિતિમાં તે પડોશમા રહેતી સગીરાના ઘરમાં ઘુસી ગયો હતો અને પકડીને તેનો રેપ કર્યો હતો. ત્યાર બાદ આરોપી છોકરાને પકડાઈ જવાનો ડર લાગતા તેણે દુપટ્ટાથી સગીરાને લટકાવી દીધી હતી, આવું હિચકારુ કૃત્ય કરીને જાણે કશું જ બન્યું નથી તેમ આરોપી છોકરો ઘેર આવી ગયો હતો.
વાલીઓએ છોકરાનું ધ્યાન રાખવાની જરુર
પોર્ન જોઈને કોઈ છોકરાએ છોકરીનો રેપ કર્યો હોય તેવી આ કંઈ પહેલી ઘટના નથી, અગાઉ પણ આવા બનાવ બનેલા છે પરંતુ વાલીઓએ ચેતવા જેવી વાત એ છે કે મોબાઈલ પર પોર્ન જોઈને છોકરાઓ બગડતાં જાય છે તેનું આ એક કડવું ઉદાહરણ છે. પોર્ન અપલોડ કરનાર લોકોને આનાથી કોઈ ફર્ક નહીં પડે પરંતુ આપણે આપણા છોકરાઓનું ધ્યાન રાખવું પડશે.