ભારતના સૌથી મોટા ગણાતા LICના IPOને મોળો પ્રતિસાદ સાંપડ્યો છે અને તે એશિયાનો બીજો સૌથી મોટો ફ્લોપ આઈપીઓ સાબિત થયો છે.
LICનો IPO માટે ગાજ્યા મેઘ વરસ્યા નહીં કહેવત સાચી પડી
LICનો IPO સૌથી મોટો ફ્લોપ સાબિત થયો
LICનો IPO ભારતનો સૌથી મોટો આઈપીઓ હતો
પણ અંતે બેસી ગયો, જેવો જોઈએ તેવો પ્રતિસાદ ન મળ્યો
માર્કેટ વેલ્યૂમાં 17 અબજ ડોલર સુધીના ધરખમ ઘટાડાને કારણે લાઇફ ઇન્શ્યોરન્સ કોર્પોરેશન ઓફ ઇન્ડિયા (એલઆઇસી)ને એશિયાના આઇપીઓમાં આ વર્ષે સૌથી વધુ નુકસાન થયું છે.
આઈપીઓમાં 29 ટકાના ઘટાડા થયો
બ્લૂમબર્ગના એક રિપોર્ટ અનુસાર 17 મેથી 29 ટકાના ઘટાડા સાથે ભારતનો અત્યાર સુધીનો સૌથી મોટો આઈપીઓ (ઇનિશિયલ પબ્લિક ઓફર) લિસ્ટિંગ બાદ માર્કેટ કેપિટલાઇઝેશનની દ્રષ્ટિએ બીજા નંબર પર છે. આ કિસ્સામાં, તે દક્ષિણ કોરિયાની એલજી એનર્જી સોલ્યુશન લિમિટેડથી પાછળ છે, જેણે "ડેબ્યૂ" પછી શેરના ભાવમાં 30 ટકાથી વધુનો ઘટાડો સહન કરવો પડ્યો છે.
લીસ્ટીંગના એક મહિના બાદ ફ્લોપ સાબિત થયો
લિસ્ટ થયાના એક મહિના બાદ એલઆઇસીનો 2.7 અબજ ડોલરનો આઇપીઓ આ વર્ષે એશિયાનો સૌથી મોટો, નવો સ્ટોક ફ્લોપ સાબિત થયો છે. વધતા વ્યાજ દર અને ફુગાવાના સ્તરને કારણે વૈશ્વિક શેરના વેચાણ પર પ્રતિકૂળ અસર પડી છે અને ભારતના શેર બજારને વિદેશીઓના અભૂતપૂર્વ વેચાણ દબાણનો સામનો કરવો પડી રહ્યો છે. બેન્ચમાર્ક એસએન્ડપી બીએસઈ સેન્સેક્સ આ વર્ષે 9 ટકાથી વધુ ઘટ્યો છે.
એલઆઈસીના શેરમાં ઘટાડાની સંભાવના
એલઆઈસીના શેરમાં સોમવારે 5.6 ટકા સુધી લપસીને સતત 10માં સેશનમાં ઘટાડો થવાની સંભાવના છે. ભારત સરકારે આ ઘટાડા પર ચિંતા વ્યક્ત કરી છે. સરકારી અધિકારીઓએ શુક્રવારે કહ્યું હતું કે તે એલઆઈસીના સ્ટોકમાં ઘટાડા અંગે "ચિંતિત" છે. જોકે તેમણે આ ઘટાડાને કામચલાઉ ગણાવ્યો હતો. સરકારે કહ્યું કે વીમા કંપની મેનેજમેન્ટ આ પાસાઓ પર ધ્યાન આપશે અને શેરહોલ્ડરોના મૂલ્યમાં વધારો કરશે. ભારતીય જીવન વીમા નિગમ (એલઆઈસી)નો શેર 17 મેના રોજ 872 રૂપિયા પ્રતિ શેર પર લિસ્ટ થયો હતો. સરકારે એલઆઇસીના શેરની ઇશ્યૂ પ્રાઇસ 949 રૂપિયા પ્રતિ શેર નક્કી કરી હતી. અગાઉ, તેની પ્રારંભિક જાહેર ઓફરિંગ (આઈપીઓ) ને લગભગ ત્રણ ગણું સબ્સ્ક્રિપ્શન મળ્યું હતું. લિસ્ટ થયા બાદ એલઆઈસીનો શેર ઈશ્યૂ પ્રાઈસ કરતા નીચા સ્તરે રહ્યો છે.