OMG / KGF નાં રોકીભાઈને નકલ કરવા 15 વર્ષના છોકરાએ ધડા ધડ પી લીધું સિગરેટનું આખું પેકેટ, પછી શું થયું તે જાણીને ચોંકી જશો

• KGF નો ક્રેજ બાળકો માટે ખતરનાખ સાબિત 
• ટીનેજર્સ પર રોકીભાઈની ખરાબ અસર પડી
• 15 વર્ષના છોકરાએ એક પાકીટ સિગરેટ ફૂકી નાખી  

એક જ સાથે આખું સિગરેટનું પેકેટ પીધું 
ફિલ્મ  કેજીએફ ચેપ્ટર-2 નાં રૉકી ભાઈની નકલ કરતાં હૈદરાબાદના 15 વર્ષના એક છોકરાનો જીવ જોખમમાં મુકાયો હતો. યુવકે એક સાથે આખું પેકેટ સિગારેટ પી લીધી હતી. જેના કારણે તીવ્ર ઉધરસ અને શ્વાસ લેવામાં તકલીફ થવા લાગી હતી. તેમને તાત્કાલિક હૉસ્પિટલમાં લઈ જવામાં આવ્યા હતા, જ્યાં ડૉક્ટરોએ તેમનો જીવ બચાવ્યો હતો.

યુવકે એક જ દિવસમાં ૩ વાર KGF ફિલ્મ જોઈ 
યુવકે એક દિવસમાં ત્રણ વખત કેજીએફ ચેપ્ટર 2 ફિલ્મ જોઈ હતી. આ સમય દરમિયાન તેઓ ફિલ્મના મુખ્ય પાત્ર રોકી ભાઈથી એટલો પ્રભાવિત થયો હતો કે તેમની નકલ કરવા માટે તેમણે સિગરેટનું એક આખું પેકેટ પી લીધું હતું. પરિણામે તે ગંભીર રીતે બીમાર પડી ગયો હતો. તેના ગળામાં ખુબ દુખાવો અને ઉધરસ આવવા  લાગી. તેના પરિવારજનો તેને સારવાર માટે હોસ્પિટલ લઈ ગયા હતા. શનિવારે હૈદરાબાદની સેન્ચ્યુરી હૉસ્પિટલના ડૉક્ટરોએ જણાવ્યું હતું કે કિશોરની સફળતાપૂર્વક સારવાર કરવામાં આવી હતી. આ સાથે તેનું કાઉન્સેલિંગ પણ કરવામાં આવ્યું છે.

રોકી ભાઈ જેવા પાત્ર સમાજને પ્રભાવિત કરી રહ્યા છે 
હોસ્પિટલના પલ્મોનોલોજિસ્ટ ડો.રોહિત રેડ્ડી પથુરીએ કહ્યું હતું કે ટીનેજર્સ 'રોકી ભાઇ' જેવા ફિલ્મી પાત્રથી સહેલાઇથી પ્રભાવિત થઇ જાય છે. આ યુવાન પણ ફિલ્મના પાત્રથી ઘણો પ્રભાવિત થયો હતો. તેની કોપી કરવાં સિગારેટનું આખું પેકેટ પીધા પછી બીમાર થઈ ગયો. ફિલ્મો આપણા સમાજને ઘણી અસર કરે છે. ફિલ્મ સર્જકો અને કલાકારોની નૈતિક જવાબદારી છે કે તેઓ સિગારેટનું ધૂમ્રપાન કે તમાકુ ચાવવાની કે શરાબ પીવાની ગ્લેમરાઇઝ ન કરે.

બાળકો પર હંમેશા નજર રાખો 
ડો. રોહિત રેડ્ડીએ કહ્યું કે કિશોરોના માતાપિતાએ ખાતરી કરવી જોઈએ કે તેઓ તેમના બાળકો શું કરે છે તેના પર નજર રાખે. તેઓએ તેમના બાળકોને શું અસર કરી રહ્યું છે તેના પર ધ્યાન આપવું જોઈએ. માતાપિતા તેમના બાળકોને તમાકુના ધૂમ્રપાન અને આલ્કોહોલના સેવનથી બચવા માટે જાગૃત કરે. ધુમ્રપાન કરવાથી અનેક પ્રકારના રોગોનો ખતરો રહે છે.શ્વસન સંબંધી રોગો, શારીરિક તંદુરસ્તીમાં કમજોરી  અને ફેફસાના વિકાસને અસર કરે છે.