મહેસાણાના બાળક શિવમ ઠાકોરે નેકી અને પ્રામાણિકતાનું ઉદાહરણ પૂરું પાડ્યું હતું. 14 તોલા સોનાના માલિકે,બાળકની પ્રામાણિકતાના બદલામાં ધો. 10 માં સુધીના અભ્યાસનો સંપૂર્ણ ખર્ચ ઉઠાવશે
13 વર્ષીય બાળકની પ્રમાણિકતા
14 તોલા સોનું માલિકને કર્યું પરત
બાળકને મળ્યો મોટો ઉપહાર
ગુજરાતમાં ચોરી-લૂંટ ફાટનાં વધતા જતા બનાવો વચ્ચે ગુમાવાયેલી વસ્તુ પરત આવતી કે મળતી નથી ત્યારે 13 વર્ષીય બાળકની ઈમાનદારીએ 14 તોલા જેટલું મળી આવેલું સોનું પરત કરતા ચોતરફ પ્રસંશા થઇ રહી છે. મહેસાણાના બાળક શિવમ ઠાકોરે નેકી અને પ્રામાણિકતાનું ઉદાહરણ પૂરું પાડ્યું હતું. 14 તોલા સોનાના માલિકે,બાળક શિવમની પ્રામાણિકતાના બદલામાં ધોરણ 10 માં સુધીના અભ્યાસનો સંપૂર્ણ ખર્ચ ઉઠાવવા તૈયારી દર્શાવી હતી. શિવમને રસ્તામાંથી 14 તોલા સોનુ મળી આવ્યું હતું. જે તેમને પરત આપ્યું હતું.
થોડા દિવસ પહેલા ધીણોજ ગામના રણછોડભાઇ ચૌધરીના દાગીના ખોવાયા હતા. રસ્તામાં ખોવાયેલી દાગીના ભરેલી બેગ ગોકુલધામ રેસિડેન્સીમાં રહેતા શિવમ ઠાકોર નામના બાળકને મળી આવી હતી. આ ઘટનાની જાણ બાળકે તેમના પિતાને કરી હતી. સવારમાં જ સ્થાનિક અખબાર દ્વારા શિવમના પિતાને દાગીના ભરેલી બેગ ગૂમ થયાની જાણ થતા પોલીસ મથકમાં સંપર્ક સાધ્યો હતો. અને પોલીસ મથકમાં દાગીના સુપરત કર્યા હતા.
દાગીના માલિક રણછોડ ભાઈએ કહ્યું કે, અમારું છાત્રાલય ચાલે છે અને તેમાં હું શિવામને 10 માં ધોરણ સુધી અભ્યાસ કરાવીશ. અમોને અમારા દાગીના પરત મળતા ખુશ છીએ.
13 વર્ષીય શિવમ ઠાકોર ધોરણ-7માં અભ્યાસ કરે છે