સુરતમાં માતા પિતા માટે લાલબત્તી સમાન કિસ્સો સામે આવ્યો, 12 વર્ષના સગીરે શોખ પુરા કરવા 5 વાહનોની ચોરી કરી અંગે ઉમરા પોલીસે સગીરને ઝડપી પાડી ચોરીનો ભેદ ઉકેલ્યો છે
માતાપિતા માટે લાલબત્તી સમાન કિસ્સો
12 વર્ષના સગીરે 5 વાહનો કર્યા ચોરી
શોખ પુરો કરવા વાહનોની કરી ચોરી
આજના બાળકોની માનસિકતા જ મોટું પરિવર્તન આવ્યું છે. બાળકો મોજશોખ કઈ કોઈ પણ હદ વટાવી શકે છે, સુરતમાં માતા પિતા માટે લાલબત્તી સમાન કિસ્સો સામે આવ્યો છે. સુરતમાં ડુમસ રોડ પર મગદલ્લા બંદર ખાતે રહેતા 12 વર્ષના સગીરે પાંચ વાહનોની ચોરી કરી હતી જેને પોલીસે ઝડપી પાડતા સમગ્ર હકિકત સામે આવી છે. પિતાએ બાઈક આપવાનો ઈન્કાર કરતા સગીરે પોતાના શોખ પુરા કરવા ચોરીનો સહારો લીધો હતો.
મગદલ્લામાં 12 વર્ષના સગીરે 5 વાહનો કર્યા ચોરી
સૌથી ચોંકાવનારી વાત એ છે કે 12 વર્ષના સગીરે છેલ્લા 15 દિવસમાં જ બાઇક, મોપેડ, 2 રીક્ષા, 1 ટેમ્પોની કરી ચોરી કરી હતી, સમગ્ર મામલે જ્યારે બાળકને પૂછવામાં આવ્યું તો સગીરે ચોરી કરવાનો હેતુ માત્ર ફરવાનો અને મોજશોખ જણાવ્યો હતો. આ સગીર ચોરી કરીને વાહન ચલાવતો અને મન ભરાઈ જાય ત્યારે વેરાન જગ્યાએ વાહન મુકી દેતો હતો આ સગીર મોટેભાગે વાહનોની ચોરી કરવા તે રાત્રીના સમયે એકલો નીકળતો હતો અને સ્ટીયરીંગ ખુલ્લા હોય તેવા બાઇકોને ડાયરેકટ કરીને ચાલુ કરી દેતો હતો. જ્યારે ટેમ્પો અને રિક્ષામાં ચાવીની જગ્યાએ પીન જેવુ સાધન નાખીને ચાલુ કરી લઈને નીકળી જતો હતો.
બાઇક ફેરવવાનો શોખ પુરો કરવા વાહનોની કરી ચોરી
મહત્વનું છે કે સમગ્ર મામલે ઉમરા પોલીસે આ સગીરને ઝડપી પાડ્યો હતો અને આગળની કાર્યવાહી હાથ ધરી હતી. પોલીસના જણાવ્યા મુજબ બાતમીને આધારે 12 વર્ષના સગીરને મગદલ્લા ઓએનજીસી કોલોની પાસેથી ચોરીની રિક્ષા સાથે પકડી પાડયો હતો. પોલીસે બે બાઇકો, રિક્ષા અને છોટા હાથી ટેમ્પો મળી 2.38 લાખનો મુદામાલ કબજે કર્યા છે. વધુમાં સગીરે સગરામપુરામાંથી રિક્ષા, છોટાહાથી તેમજ ડુમસ પોલીસની હદમાંથી બે બાઈકોની ચોરી કરી હતી. વધુમાં પોલીસે જણાવ્યુ કે અગાઉ તે ઘરેથી ભાગીને મુંબઈ ચાલી ગયો હતો તે વખતે પણ પરિવાર તેને શોધીને લાવી હતી.
ઉમરા પોલીસે ચોરી કરનાર સગીરને ઝડપી લીધો
આ સગીરના પિતા કંપનીમાં વેલ્ડીંગનું કામ કરે છે, આ સગીર અગાઉ ફણ ઘરેથી ભાગીને મુંબઈ ચાલ્યો ગયો હતો, ત્યારે પરિવારે તેને શોધીને ઘરે પરત લાવી હતી એટલું જ નહીં આ સગીર વેસુ કેનાલ રોડ પર ચોરી કરેલો ટેમ્પો બિનવાસરી હાલતમાં મુકીને ચાલી આવ્યો હતો, સગીર ઝડપાડયા બાદ પોલીસ જ્યારે ટેમ્પો પરત લાવી રહી હતી. તે સમયે ટેમ્પો શરૂ ન થતા સગીરે ગણતરીના સેકેન્ડોમાં જ ટેમ્પો શરૂ કરી દેતા પોલીસ પણ દંગ રહી ગઈ હતી. હાલ તો પોલીસે આ બાળકને કુલ રૂ.2.38 લાખના મુદ્દામાન સાથે ઝડપી પાડી આગળની કાર્યવાહી હાથ ધરી છે.