સુરતમાં માતા-પિતા માટે ચેતવણીરૂપ કિસ્સો સામે આવ્યો છે. વિગતો મુજબ 1 વર્ષની બાળકીનું પાણીના ટબમાં પડી જતા મોત નીપજ્યું છે. આ ઘટનામાં રમતા રમતા બાળકી બાથરૂમના ટબમાં પડી ગઈ હતી. જે બાદમાં પરિવારને જાણ થતાં તેને તાત્કાલિક સારવાર અર્થે હોસ્પિટલમાં ખસેડવામાં આવી હતી. જોકે ફરજ પરના તબીબોએ બાળકીને મૃત જાહેર કરી હતી. આ તરફ ઘટનાને લઈ પરિવારજનો ઘેરા શોકમાં ગરકાવ થઈ ગયા છે.
આપણાં ઘરમાં નાનું બાળક રમતું હોય તો ક્યારેક પરિવારનું ધ્યાન ના હોય ત્યારે બાળક પોતાની મસ્તીમાં અનેક ભૂલ કરી બેસે છે. જેથી પરિવારે નાના બાળકનું ખાસ ધ્યાન રાખવું જોઈએ. આવો જ એક કિસ્સો સુરતથી સામે આવ્યો છે. જેમાં પરિવારની જાણ બહાર એક વર્ષની બાળકી બાથરૂમના ટબમાં પડી ગઈ હતી. જે બાદમાં બાળકીનું કરુંણ મોત થયું છે.
શું હતી સમગ્ર ઘટના ?
સુરતના લિંબાયત વિસ્તારમાં એક દુ:ખદ ઘટના સામે આવી છે. વિગતો મુજબ પરિવારની 1 વર્ષની માસુમ દીકરી ઘરમાં રમતી હતી. આ દરમ્યાન અચાનક તે બાથરૂમમાં પહોંચી હતી. જોકે રમતા-રમતા બાથરૂમમાં પહોંચેલી 1 વર્ષની બાળકી અચાનક બાથરૂમના ટબમાં પડી ગઈ હતી. જોકે અચાનક પરિવારની ધ્યાન જતાં તાત્કાલિક તેને બહાર નિકાળી હોસ્પિટલ લઈ ગયા હતા. જોકે હોસ્પિટલના તબીબોએ બાળકીને મૃત જાહેર કરતાં પરિવારજનો પર દુ:ખનો પહાડ તૂટી પડ્યો છે. આ તરફઆ સમગ્ર મામલે લિંબાયત પોલીસે અકસ્માતનો ગુનો નોંધી તપાસ હાથ ધરી છે.