જસ્ટિન લિન વડે દિગ્દર્શિત F9 22મી મેના રોજ અમેરિકામાં લોન્ચ થશે. આ ફિલ્મ ફાસ્ટ એન્ડ ફ્યુરિયસ ફ્રેન્ચાઇઝીની 9મી ફિલ્મ છે.
ટ્રેલરમાં ડોમિનિક ટોરેટો અને લેટી (વીન ડીઝલ અને મિશેલ રોડ્રિગઝ) શાંતિથી જીવન જીવે છે અને તેમનો બ્રાયન નામનો પુત્ર છે.
લેટી ટોરેટોનો આવનાર ખતરાથી બચવા માટે પોતાનું નેકલેસ આપે છે અને તેમની માંડ માંડ શાંત થયેલા જીવનમાં ફરીથી તોફાની વળાંક આવે છે. ટોરેટો ફરી એક વાર સંજોગોના કારણે પોતાની જોખમી અને ખતરનાક જિંદગીમાં પાછો ફરે છે.
રોકેટથી ચાલતી ગાડીઓ, અને શ્વાસ થંભાવી દે તેવા સ્ટન્ટ્સ વચ્ચે ટોરેટો કહે છે કે તમે ગમે તેટલું ભાગો પણ તમારા ભૂતકાળથી ક્યારેય ભાગી નથી શકતા.
ટોરેટો કટ્ટર દુશ્મન તરીકે WWEના રેસલર જ્હોન સીનાએ ભૂમિકા ભજવી છે. તેને ચાલાક ચોર, હત્યારો અને કુશળ ડ્રાઈવર તરીકે દર્શાવાયો છે.
સૌથી આશ્ચર્યજનક વાત એ છે કે ફિલ્મનું પાત્ર હાન જે વર્ષો પહેલા ટોક્યો ડ્રિફ્ટ ફિલ્મમાં અવસાન પામ્યો હતો તે પાછો ફરે છે.
આ ફિલ્મમાં હાન ઉપરાંત ટોરેટોની બહેન મિયા પણ પછી ફરે છે જે છેલ્લે ફ્યુરિયસ 7 ફિલ્મમાં દેખાઈ હતી.
ભારત સહિત આખી દુનિયામાં આ ફિલ્મની આતુરતાથી રાહ જોવાઈ રહી છે.