લૉકડાઉનમાં પ્રવાસી મજૂર મુશ્કેલીઓનો સામનો કરી રહ્યાં છે ત્યારે કેટલાક લોકો તેમના માટે ફરિશ્તા બનીને સામે આવી રહ્યાં છે. જેમાં સોનુ સૂદનું નામ મોખરે છે. અભિનેતા તેના ખર્ચે બધાને તેમના ઘરે પહોંચાડી રહ્યો છે. તો બીજી તરફ કેટલાક લોકો તે મજૂરોને બે ટાઇમનું જમવાનું મોકલાવી રહ્યા છે. આવી જ રીતે મુંબઇમાં 99 વર્ષના એક દાદી મજૂરો માટે ફૂડ પેકેટ્સ તૈયાર કરી રહ્યા છે. તેમનો વિડીયો સોશિયલ મિડીયા પર વાઇરલ થઇ રહ્યો છે.
માનવતા હજી જીવે છે
99 વર્ષના દાદીની માનવતા
આ વિડીયોને ટ્વિટર યુઝર @zfebrahim એ ટ્વિટર પર શૅર કર્યો છે. કેપ્શનમાં તેમણે લખ્યુ છે કે, મારા 99 વર્ષના ફઇબા મુંબઇમાં ફસાયેલા પ્રવાસીઓ માટે ફૂડ પેકેટ્સ તૈયાર કરી રહ્યા છે. એકબાજુ માનવતા મરી પરવારી છે તો બીજી તરફ આવા વ્યક્તિઓ છે. જે માનવતાને જીવંત રાખી રહ્યા છે.
પોતાની ઉંમરને બાજૂ પર મુકીને આ દાદી શ્રમિકો માટે ભોજન તૈયાર કરી રહ્યા છે. ગુજરાતીમાં એક કહેવત છે કે ફૂલ નહી તો ફૂલની પાંખડી.. બસ એ જ રીતે દરેક લોકો પોતપોતાની રીતે એકબીજાની મદદ કરી રહ્યાં છે.