ઓસ્કર / ભારતની છાતી ગજગજ ફૂલશે, ઓસ્કર એવોર્ડ માટે ‘Anuja'નું નોમિનેશન, પ્રિયંકા ચોપડા સાથે કનેક્શન

ભારતીય ફિલ્મ નિર્માતા ગુનીત મોંગા, જેમણે 2023 માં 'ધ એલિફન્ટ વ્હિસ્પર્સ' માટે એક વખત ઓસ્કર એવોર્ડ જીત્યો હતો, તેણે આ વર્ષે પણ ઓસ્કર માટે પોતાનો રસ્તો બનાવ્યો છે. તેની ફિલ્મ 'અનુજા' ઓસ્કાર માટે નોમિનેટ થઈ છે. 'અનુજા'એ લાઈવ એક્શન શોર્ટ મૂવી કેટેગરીમાં પોતાનું સ્થાન બનાવ્યું છે. લોસ એન્જલસમાં લાગેલી આગને કારણે નામાંકન મોકૂફ રાખવામાં આવ્યું હતું, પરંતુ હવે આખરે ગુરુવાર, 23 જાન્યુઆરીએ સાંજે 7 વાગ્યે તેની જાહેરાત કરવામાં આવી છે. અગાઉ આની જાહેરાત 17 જાન્યુઆરીએ થવાની હતી.

ગુનીત મોંગા ઉપરાંત અભિનેત્રી પ્રિયંકા ચોપરાનું નામ પણ આ ફિલ્મ સાથે જોડાયેલું છે. તે આ ફિલ્મની એક્ઝિક્યુટિવ પ્રોડ્યુસર છે. આ ફિલ્મ 9 વર્ષની 'અનુજા'ની વાર્તા છે. આ ફિલ્મનું નિર્દેશન એડમ જે. ગ્રેવ્સ દ્વારા કરવામાં આવ્યું છે. આ એક ભારતીય-અમેરિકન ફિલ્મ છે.

વધુ વાંચો: આ છે ભારતની ટોપ 10 સૌથી મોંઘી ફિલ્મો, અડધી રહી ફ્લોપ, લિસ્ટમાં સંજય દત્તનું નામ

શું છે ફિલ્મની વાર્તા?

શોર્ટ ફિલ્મની વાર્તા એક 9 વર્ષની છોકરીની આસપાસ ફરે છે, જે તેની મોટી બહેન પલકની જેમ ફેક્ટરીમાં કામ કરવા અને અભ્યાસ કરવા વચ્ચે પસંદગી કરવા માટે મજબૂર છે. તેને બોર્ડિંગ સ્કૂલમાં અભ્યાસ કરવાની સુવર્ણ તક મળે છે.

'અનુજા' માટે આ એક એવો નિર્ણય છે જે તેના અને તેની બહેનનું જીવન બદલી નાખશે. ફિલ્મમાં 'અનુજા'નું પાત્ર 9 વર્ષની છોકરી સજદા પઠાણે ભજવ્યું છે. સજદાએ અગાઉ 2023માં આવેલી ફીચર ફિલ્મ 'ધ બ્રેડ'માં કામ કર્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ