IPLIN
 

રાજકોટ / કચરો વીણતી મહિલા પાસેથી 1 લાખની કિંમતની એવી ચીજ ઝડપાઇ કે પોલીસ થઇ દોડતી

Team VTV 06:55 PM, 01 Sep 19 | Updated: 06:56 PM, 01 Sep 19
Follow us
9.77-gram drugs with a woman arrested by sog in Rajkot

રાજકોટ પોલીસે ડ્રગ્સ રેકેટનો પર્દાફાશ કર્યો છે. ગ્રીનલેન્ડ ચોકડી પાસેથી રાજકોટ સ્પેશ્યલ ઓપરેશન ગ્રુપે 1 લાખની કિંમતના 9.77 ગ્રામ મેફેડ્રોન ડ્રગ્સ સાથે મહિલાની ધરપકડ કરી હતી. પોલીસ તપાસમાં ડ્રગ્સ તેની બહેનને આપવાની હોવાનું સામે આવ્યું છે. 

આ મહિલા રાજકોટના ગવલીવાડ કોલેજવાડીમાં રહેતી મીના બાબુ બગડા છે. તેના પર આરોપ છે કે તે MD ડ્રગ્સનું સપ્લાય કરવાની હતી. પોલીસે 9.77 ગ્રામ ડ્રગ્સ ઝડપી પાડ્યું છે. જેની કિંમતના 1 લાખ જેટલી થાય છે. પોલીસે બી-ડિવિઝનમાં મહિલા વિરૂદ્ધ NDPSનો કેસ કરી તપાસ શરૂ કરી છે. 

પોલીસ તપાસમાં આરોપી મીના બગડા રૈયારોડ પર રહેતી તેની બહેન સુધા ધામેલીયાને ડ્રગ્સ આપવાની હતી. તેવી બાબત સામે આવ્યું છે. પોલીસે મીનાની બહેન સુધા સામે પણ ગુનો નોંધી તપાસ શરૂ કરી છે. 

આરોપી મીના કચરો વિણવાનું કામ કરતી હોવાનું સામે આવ્યું છે. જોકે સવાલ એ છે કે કચરો વિણતી મહિલા પાસે 1 લાખનો ડ્રગ્સ આવ્યો ક્યાંથી ? હાલ પોલીસે આરોપીની વધુ પૂછપરછ શરૂ કરી છે. પોલીસે રાજકોટ શહેરમાંથી 1 વર્ષમાં ગાંજો અને ડ્રગ્સ સહિત NDPSના 20 કેસ દાખલ કર્યા છે.

ગુજરાતી ન્યૂઝ Rajkot SOG Woman રાજકોટ એસઓજી Drugs mephedrone drug
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ