રાજસ્થાન / 97 વર્ષે દાદીમાએ તોડયો રેકોર્ડ, હવે ગામ માટે કરશે વિકાસના કામ

• રાજસ્થાનના સૌથી મોટી ઉંમરના સરપંચ
• દાદીમાએ 97 વર્ષે સરપંચ બનીને તોડ્યો રેકોર્ડ 
• પુરાણાવાસ ગામના છે વિદ્યાદેવી

પુરાણાવાસ ગામની વિદ્યાદેવીએ પોતાની આ જીતનો શ્રેય ભગવાનની સાથે-સાથે ગ્રામજનોને આપતા કહ્યું કે, તે ગામના વિકાસ માટે કાર્ય કરશે. સાથે જ ગામમાં સ્વચ્છતા પ્રત્યે પણ ખાસ ધ્યાન આપશે. તેમની જીત બાદ ગ્રામજનોમાં પણ ભારે ઉત્સાહ જોવા મળી રહ્યો છે. વિદ્યાદેવીની જીત બાદ ગ્રામજનોએ જીતનો જશ્ન મનાવ્યો. આ સાથે-સાથે એક બીજાને મીઠાઈ પણ ખવડાવી શુભેચ્છા પણ પાઠવી.

Sikar: 97 year old Vidya Devi won panchayat polls, elected Sarpanch of Puranabas village in Neem Ka Thana sub division, yesterday #Rajasthan pic.twitter.com/C6iEGY27yB

— ANI (@ANI) January 18, 2020

પ્રતિસ્પર્ધી આરતી મીનાને 207 મતોના અંતરે હરાવી

રાજસ્થાનના સીકર જિલ્લાના નીમકથાણામાં પુરાણાવાસ ગ્રામ પંચાયત ગામની ચૂંટણીમાં 97 વર્ષીય વિદ્યા દેવી જીતી ગઈ છે. એક દિવસના મતદાન બાદ પરિણામો જાહેર કરાયા હતા. નીમકથાના સબડિવિઝન અધિકારી સાધુરામ જાતે જણાવ્યું હતું કે, પંચાયતની ચૂંટણીમાં પુરાણાવાસ ગ્રામ પંચાયતમાં સરપંચ પદ પર વિજેતા બનેલી વિદ્યા દેવીએ તેમની પ્રતિસ્પર્ધી આરતી મીનાને 207 મતોના અંતરે હરાવી હતી.

વિજયી સરપંચોમાં પાકિસ્તાનમાં જન્મેલી નીતા કંવરનો સમાવેશ

જાટે કહ્યું, 'દેવીના પતિ શિવરામ સિંહ સેનામાં મેજર હતા. 1990 પહેલાં તેઓ 25 વર્ષ ગામના સરપંચ હતા. દેવીને 843 મત મળ્યા હતા જ્યારે મીનાને 636 મત મળ્યા હતા. દેવીની નોંધણીની જન્મ તારીખ 1 જાન્યુઆરી 1923 છે. અન્ય વિજયી સરપંચોમાં પાકિસ્તાનમાં જન્મેલી નીતા કંવરનો સમાવેશ થાય છે. તેમણે સપ્ટેમ્બર 2019માં ભારતીય નાગરિકત્વ મેળવ્યા બાદ આ વર્ષે ચૂંટણી લડી હતી.

આ રીતે યોજાઈ હતી ચૂંટણી

જિલ્લા કલેકટર કિશોરકુમાર શર્માએ જણાવ્યું હતું કે, ટોંક જિલ્લાની નટવારા ગ્રામ પંચાયતમાં કણવર સરપંચની ચૂંટણીમાં જીત્યા છે. રાજસ્થાન પંચાયતની ચૂંટણીના પ્રથમ તબક્કામાં 87 પંચાયત સમિતિઓ હેઠળ 2726 ગ્રામ પંચાયતોના 26,8૦૦ વોર્ડમાં મતદાન થયું હતું. જેમાં 17,242 ઉમેદવારોએ સરપંચ માટે અને 42,704 પંચની પદ માટે લડ્યા હતા.

ચૂંટણીમાં 11,000 થી વધુ ઇવીએમનો ઉપયોગ થયો હતો

રાજસ્થાન રાજ્ય ચૂંટણી કમિશનર પીએસ મેહરાના જણાવ્યા અનુસાર ચૂંટણીમાં 11,000 થી વધુ ઇવીએમનો ઉપયોગ કરવામાં આવ્યો હતો. રાજ્ય ચૂંટણી પંચે એક નિવેદનમાં જણાવ્યું છે કે ભીલવાડા જિલ્લાની એક સરકારી શાળાના શિક્ષકનું ચૂંટણી ફરજ દરમિયાન મૃત્યુ થયું હતું. નિવેદન અનુસાર, રતનલાલ વણકર ભિલવારાના બિજોલા ખાતે સહાયક મત અધિકારીઓ તરીકે ફરજ બજાવ્યા હતા. હૃદયરોગના હુમલાથી તેમનું અવસાન થયું હતું.